網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月26日 星期三

[FACE 353] 搶手貨 黎明放生 《紅 Van》反彈 英皇 Paco搶 JM JM,黃柏高,Paco,英皇,黎明,文詠珊,MF,




陳善之(左)是黎天王的頭馬,亦一手湊大 JM,兩人感情好好,雖然已跟公司約滿,但兩人仍相約 high tea。

真面目

搶手貨 黎明放生 《紅 Van》反彈 英皇 Paco搶 JM

前年 10月黎明宣布與樂基兒離婚,前妻 Gaile話咁快就搵到 partner,黎天王最近終於傳出有新女伴,傳聞 23歲貌似 Gaile的模特兒。

有新戀情當然開心,不過旗下一眾藝人就愁爆。據知黎明近排沉醉愛河,兩位愛將衞蘭和文穎珊 Janice Man先後滿約都懶懶閒,捱足 5年的 JM,好彩有套《紅 Van》力挽人氣。最新消息,黎明終於決定「放生」 JM,而前緋聞男友霆鋒的公司英皇和銀彈十足的太陽娛樂,兩間公司鬥牙力、鬥財力搶簽宅男女神。

JM離巢已傳過好多次,據可靠消息, JM已於本月初約滿黎明的百仕活。上週四( 20日), JM由屋企自己揸車先到銅鑼灣 I.T試衫,再到利園會合黎明頭馬陳善之 high tea。雖然黎天王決定「放生」,但始終 JM由陳善之一手湊大,兩人在「分手飯局」言談甚歡,據知當中亦有協定, JM需要有半年時間「過冷河」,半年後才可公布新去向。本週出發巴黎時裝展的 JM,亦是首次「自由身」工作。

黎明曾賜 JM「模 Art」稱號,但未令其事業有突破發展。

一直受網民關注的《紅 Van》,戲中 Yuki一角非常搶手,女主角之外更是戲中關鍵人物,最後 JM撼贏 Fiona演出。

回復「自由身」, JM要自己揸車﹐又冇助手跟身。

收入靠出騷

JM與百仕活 5年合約,其間只接過 8套電影,亦不是套套擔正,據聞黎天王對選劇本很嚴格,推戲經常發生, JM大部分收入都是靠時裝品牌活動。「雖然黎明好錫旗下班藝人,但接 job就好揀擇,搞到個個都入不敷支! JM已經滿約,上年黎明都有出面傾續約,但之後就變咗 Joe(陳善之)出嚟傾,不過 JM都決定走人,大家和平分手。」 JM身邊人透露。

據知,早排 JM同霆鋒傳緋聞,英皇已接觸過 JM,原本希望一家親,但兩人拍拖快來快去,合約傾咗一半就停咗;反而太陽娛樂就非常積極, Paco睇中 JM在《紅 Van》彈出,而且公司除了有財力,更不斷投資新戲,雖然旗下已有薛凱琪和鄧麗欣,但 JM加盟的成數亦非常高。

5年來, JM大部分都靠自己人際網絡 line up時裝品牌活動,但始終收入有限。

5年前已闖入影圈,但成績一般,去年只上映一套冇乜人知的電影《臨終囧事》。

上週一( 17日),傳出有新戀情的黎明以香港影視娛樂大使身份出席「香港影視娛樂博覽」記者會,雖然封口不提新戀情,但全程春風滿面。

黎明近年活躍在內地影壇,先後出演《鴻門宴》和《一夜驚喜》,最近又再接拍《楊貴妃》,與範冰冰再次合作。

前年 10月宣布與樂基兒離婚,黎明似乎轉咗 plan,想拍多啲戲喎!

黎明戲癮發

陳果執導的新片《那夜淩晨,我坐上了開往大埔的紅 Van》,入圍《第 64屆柏林國際電影節》的「電影大觀」單元,當日首映全院滿座,放映後觀眾更拍掌長達 2分鐘, JM今次食糊有望。

據知,今次黎天王肯「放人」,除了因為有新戀情外,近年他亦戲癮大發,先後接拍《一夜驚喜》和《楊貴妃》,而且已甚少親自處理公司事務。知情人士說︰「以前老闆除咗開戲,仲會幫旗下仔女親自揀劇本,近呢兩年都冇喇,全部由 Joe搞掂,好多 project都停曬,好似 11年簽唱片約嘅小春,新碟到𠵱家都未出。」

除了 JM,衞蘭都快將滿約,據知黎明都未開始傾新約,仲食緊「老本」的衞蘭,仍有不少唱片公司招手,華納、 Neway都先後見過面。對此,華納唱片發言人說︰「對任何有潛質的歌手都有興趣。

自求多福

黎明旗下的「百仕活娛樂事業有限公司」主力搞歌影視投資和藝人管理,盛世時期曾有楊千嬅、杜汶澤和光良。現在經理人合約藝人只剩衞蘭、 JW、王歌慧、李治廷、應昌佑和唱片合約的陳小春。

衞蘭 走人

將滿約的衞蘭近年工作量大減,去年剪短頭髮改變形象,但外間反應一般。

李治廷 靠自己

憑與範冰冰的緋聞,在國內知名度大增,先後與範冰冰合作《一夜驚喜》和《武則天》,靠自己多過靠公司。

應昌佑 老友幫

05年入行,每逢衞蘭開騷登台,應昌佑都擔任表演嘉賓。幸好身邊有班好兄弟關楚耀、房祖名關照,近年轉戰影壇,去年擔正演出《喜愛夜蒲 3》。

JW 靜曬

10年出道以一曲〈男人信什麼〉橫掃樂壇頒獎和「金曲金獎」,但後勁麻麻,最近工作是為電影《喜愛夜蒲 3》唱主題曲。

王歌慧 轉拍劇

06年入行,派過兩首歌上台,去年與 HKTV簽約拍劇,拍過一套《客家女人》。



鍾意就快D Share啦!