古巨基再傳婚訊： 會考慮人生大事
2014-02-24 23:07:00
古巨基同Lorraine再傳婚訊，基仔話若然發生，必定通知大家。
古巨基同助手女友Lorraine近日傳婚訊，早前佢去美國舉行演唱會時，有歌迷直問佢係咪到當地秘婚，當時基仔即話係去當地開騷而已。
喺今晚英皇春茗上，記者恭喜佢，基仔即詐傻扮懵，問佢係咪今年結婚，佢就話：「由得我啦，我去到熟透年紀，我都會去考慮人生大事，首先多謝大家關心我成家立室，若然真係發生，一定會通知大家。」
基仔又話喺呢方面（指結婚）毫無經驗，所以乜嘢時間以及形式都未知道。咁向女方求婚未呢？佢就話：「嚇？依家唔興呢啲，等我睇完《星星》（來自星星的你），睇下有乜嘢啟發。」
基仔表示自從爆出婚訊傳聞後，身邊好多人都問佢，就連父母都問佢，基仔話：「若然佢哋都問，即係未發生嘅事。」
咁Lorraine幫佢度期未？基仔話：「我個期喺佢手上，邊使度？（周慧敏暗地替你歡喜？）佢幫我暗地歡喜好多年，佢成日鬼鬼馬馬，總之真係發生，一定通知大家。」
基仔表示唔興求婚喎。（攝影：陳順禎﹑陳慧安）
基仔今晚喺春茗好風騷。
笑到呢....
講到手指指
同老友兼女神周慧敏合照。
|
鍾意就快D Share啦！
|
|
|