[忽然1周 974] 譚玉瑛姐姐慳自己錫長輩 譚玉瑛,MW,

當日衣著十分平民嘅譚玉瑛同兩個長輩分道揚鑣之後，十分慳家咁搭地鐵歸家。冇錯，今時今日真係要慳番個錢，下個月就出十分一糧呀，陰功。

媽咪姐

譚玉瑛姐姐慳自己錫長輩

本來有競爭先有進步，但王維基嘅 HKTV不斷被打壓，開台不成，旗下員工猶如「等死」。見對手「胎死腹中」，大台不單冇進步，仲欺壓旗下員工。近日，就逼香港人睇住佢成長、做咗 32年兒童節目嘅譚玉瑛姐姐出局！要佢轉做以兼職形式出糧嘅「兒童顧問」，人工起碼 cut一大半。最令人心痛嘅係，為生活， 50歲嘅譚玉瑛姐姐被迫無奈接受，好彩佢仲堅強面對。日前，媽咪姐就喺銅鑼灣撞到佢陪住兩個長輩喺老三陽「掃貨」，逗留咗成半粒鐘。據海味舖店員透露，佢哋掃咗成千幾蚊金華火腿，由譚玉瑛姐姐埋單，跟住佢自己就逼地鐵。唉，譚玉瑛姐姐真係好孝順，唔通真係人善被人欺？

銅鑼灣掃貨

啱啱掃完金華火腿嘅譚玉瑛姐姐睇嚟意猶未盡，對住啲海味仲流露依依不捨嘅眼神。

《 430穿梭機》時代，曾華倩、張國強同周星馳都曾經係佢嘅拍檔。譚玉瑛姐姐諗住出書，星爺仲會寫序㖭！

鍾意就快D Share啦！

下一篇 》