李思欣過檔新城開咪，一個星期開足 6日，備受重用，難怪心情大好。
娛樂喧
捱九年月薪得八千 李思欣•範振鋒 離巢搞移民生意
在大台做足九年的李思欣雖然肯做又聽話，但機會一直不多，多年來平均每月人工只有 8千。無奈離巢的李思欣，被問到她在大台的收入同最低工資睇齊時，只好苦笑說：「冇咁慘嘅……不過做藝人有時係等多過拍。」
好在，李思欣已傾好四月在新城開咪。而老公範振鋒的生意愈做愈多瓣數，除了食肆及鑽石生意外，近日兩夫婦看準移民生意的潛力，與朋友合作代理加勒比海國家「格林納達」的投資移民。有老公撐，難怪李思欣寸爆大台：「唔續約啦，佢哋咁多『人才』！」
李思欣宣布和大台約滿，離巢後她除了繼續搞網上鑽石生意，四月便會在新城處女開咪，周一至周六都有節目，周六節目更是首個以美容為主的電台節目，備受重用可見一斑。
李思欣以往在大台，一個騷都只收 2千，每個月平均僅 4個騷左右，月薪只得 8千。離巢後，李思欣單是在新城開咪都月入 5萬，收入暴升 6倍，連同她和丈夫範振鋒其他生意，個人月入最少達 10萬。
「思欣喺大台機會唔多，佢都呻過自己蝕底在唔識冧高層。新城貪思欣有知名度，今次仲係銳哥（台長朱明銳）主動搵思欣傾，騷價高過大台。阿範（範振鋒）亦幫老婆接 job，佢兩公婆之前行咗個婚紗騷，都係阿範接嘅。」知情者說。
範振鋒在圈中人脈甚廣，一向有生意頭腦的他，除了搞食肆生意又計劃開製作公司，由李思欣做節目主持外，最近更搞埋投資移民。
「阿範睇好移民生意，咁啱佢有個朋友搞格林納達投資移民，知道當地公民往來香港免簽證，唔似瓦努阿圖公民，仲要投資香港至可以居留。阿範覺得移民格林納達有得搞，於是咪入股囉。」
睇好移民潮商機
本月 10日，範振鋒兩公婆返灣仔的日本餐廳巡視。谷住一肚氣的李思欣，被記者問到離開大台時，忍唔住暗寸：「唔續約啦，佢哋咁多『人才』！（以後主要從商？）鑽石生意都係我負責，依家多啲時間返舖，日後盡量以 freelance形式去唔同嘅電視台工作。」
記者問李思欣在大台多年平均月入僅得八千，同最低工資睇齊。她苦笑說：「冇咁慘嘅。（咁都接近最低工資啦？）藝人嘅工作時間，有時等仲多過拍！（喺新城人工高過以前？）係！好消息㖭！」
上周六（ 22日），範振鋒火鍋店開張，被問到生意瓣數多，他表示：「大環境係咁，好似阿叻、譚校長都係搞生意，我希望向呢個方向發展。（製作公司係咪好似霆鋒嗰間咁？）冇得同佢比，不過形式有啲似，我冇佢做咁多後期製作，但會拍節目，賣俾內地或海外電視台。（搞投資移民生意？）近年有移民潮，所以同朋友合作搞，總之樣樣都試下！」
老公生意愈做愈掂，難怪李思欣無懼離開大台，決心向外發展！
移民「香料之國」
格林納達是中美洲加勒比海島國，全國人口 10.5萬，黑人佔 80%，每年人均收入為 6萬 3千港元。
當地年均氣溫 26℃，以農業和旅遊業為主要收入來源，有「香料之國」美譽。格林納達以生產香蕉、可可、椰子、甘蔗、棉花聞名，其生產的香料「肉豆蔻」產量更佔世界總產量三分之一。加上香港公民往來當地免簽證，最啱中港兩邊走嘅強國人。
二線逃亡潮
大台近年除了要面對小生花旦逃亡潮外，連二線花旦也相繼離開。她們有些轉戰其他媒體，有的疊埋心水嫁人，大台女星更加買少見少。
|
鍾意就快D Share啦！
|
|
|
