田蕊妮反擊秋生Anything Wrong?
黃秋生與杜汶澤最近在網絡上「火併」，掀起新一場「黃澤舌戰」，秋生日前再「出招」寸爆阿澤冇曬朋友，他亦是最後一位離開，阿澤老婆田蕊妮昨日幫老公出頭，抵死地說：「Anthony Wong（黃秋生）， Anything Wrong（你係咪有錯）？」
阿田受訪時振振有辭護夫，反駁寸秋生似乎「Something Wrong」。
阿田去年封視後時與任頒獎嘉賓的秋生擁抱，想不到今日互寸。
秋生一向是「熱血」之人，與阿澤已不止一次舌戰。
阿澤不時對社會現況發表意見，卻引來罵戰。
去年杜汶澤提出「低俗是香港的核心價值」後，引起黃秋生不滿，繼而爆發「黃澤舌戰」，雖然事件已漸漸平息，但兩位惹火之人日前又再爆罵戰，引起大家關注！阿澤老婆田蕊妮昨日到電台宣傳新碟，提到黃秋生與阿澤在網絡上的罵戰，阿田無奈地說：「點會睇唔到吖！咁當眼，同我哋個宣傳板一樣咁當眼呀！唉！我都百思不得其解。（秋生啄住阿澤唔放喎！）咪係囉！Anthony Wong，Anything Wrong？叫佢改嚇名，明明私底下都冇事發生！」
老公至少還有我
問到會否做和事老？阿田一臉茫然地說：「冇呀！我覺得冇咩需要和事，都冇鬧交，我老公都冇鬧過佢！」談到秋生日前再度「發功」，鬧爆阿澤冇朋友，他更是最後一個離開阿澤的人，阿田即幫老公「補位」，她有骨地說：「走咗去邊處呀？我仲喺處喎！我仲好健在，冇咁短命，我一路覺得我哋仲有好多朋友喎！」至於會否叫老公收口？阿田一於少理地說：「佢都唔係講好多嘢啫！香港係言論自由嘅社會，我相信杜生同秋生都係有熱誠嘅人，老公冇嘢，呢個世界唔係雙向，唔係熱血嘅人先話得佢冷血嘅！（抱不平？）我冇乜血上唔到腦，諗唔到嘢！」問到阿澤今年是否犯太歲才易惹是非？阿田繼續寸爆秋生：「咁要搵條罅畀佢攝（太歲），但秋生似犯太歲多啲，佢個人非常躁底！」至於事件另一主角秋生在截稿前未有回應。
另外，下月正式出碟的阿田表示碰巧撞正阿澤的電影上映，她笑說：「真係好有緣！兩公婆個廣告牌喺銅鑼灣擺埋一齊，好多朋友都有影低畀我睇！」而被斥冇朋友的阿澤昨日透過短訊回應：「我對於黃秋生呢個人所有嘢冇任何回應。」
阿田受訪時振振有辭護夫，反駁寸秋生似乎「Something Wrong」。
阿田去年封視後時與任頒獎嘉賓的秋生擁抱，想不到今日互寸。
秋生一向是「熱血」之人，與阿澤已不止一次舌戰。
阿澤不時對社會現況發表意見，卻引來罵戰。
|
鍾意就快D Share啦！
|
|
|
