成龍推出K-pop男團 網友：雜技團？
潮流吹起韓風，原來成龍一早睇好韓國演藝圈好有發展潛力，所以一早已經喺韓國開咗間娛樂公司，佢間公司都不斷喺當地搵新人嚟捧， 結果公司簽咗幾個男仔，組成JJCC五人樂隊，經過一輪秘密訓練後，預計呢個月中就會出嚟同大家見面，為咗幫佢哋打入亞洲市場，成龍會利用自己知名度同影響力去幫助呢個偶像組合盡快紅起嚟。組合中，有三個韓國人，一個美籍韓人，仲有一個澳洲籍華人。同EXO-M唔同(即係之前癱瘓旺角嗰隊)，隊中冇強國人o架。
今年初去韓國宣傳《警察故事2013》嗰陣，成龍喺當地認自己係半個韓國人，結果……俾唔少網民鬧一餐話佢唔愛國雲雲。其實成龍曾於韓國發展、識講韓文已經係好多年前嘅事，唔需要大驚小怪。之不過，o依家成龍捧韓星攻打亞洲(相信主力都係強國0架喇)，組合個名又怪咗啲。因為成龍叫Jackie Chan，所以佢嗰隊組合都叫「JJCC」，或叫Double JC……梗係好似唔夠型咁。
|
鍾意就快D Share啦！
|
|
|
