【短片】自封「半個韓國人」 成龍捧韓組合「JJCC」鬥搶錢
2014-03-11 03:02:00
潮流吹起韓風，原來成龍一早睇好韓國演藝圈好有發展潛力，所以一早已經喺韓國開咗間娛樂公司，佢間公司都不斷喺當地搵新人嚟捧， 結果公司簽咗幾個男仔，組成JJCC五人樂隊，經過一輪秘密訓練後，預計呢個月中就會出嚟同大家見面，為咗幫佢哋打入亞洲市場，成龍會利用自己知名度同影響力去幫助呢個偶像組合盡快紅起嚟。組合中，有三個韓國人，一個美籍韓人，仲有一個澳洲籍華人。同EXO-M唔同(即係之前癱瘓旺角嗰隊)，隊中冇強國人0架。
今年初去韓國宣傳《警察故事2013》嗰陣，成龍喺當地認自己係半個韓國人，皆因佢失意時韓國影迷繼續支持佢，結果……唔少得俾網民鬧一餐話佢唔愛國雲雲。其實成龍曾於韓國發展、識講韓文已經係好多年前嘅事，唔需要大驚小怪。之不過，依家成龍捧韓星攻打亞洲(相信主力都係強國0架喇)，組合個名又怪咗啲。因為成龍叫Jackie Chan，所以佢嗰隊組合都叫「JJCC」，或叫Double JC……梗係好似唔夠型咁。
講開成龍，近日馬航客機失蹤成為全球熱話，連帶經常語出驚人嘅成龍架私人飛機都俾傳媒起底。其實呢輯相已經係兩年前嘅報道，唔知點解忽然又俾人搵番出來熱話。成龍架Legacy 650私人飛機，根據當年嘅報道，係價值2億人民幣，機尾翼上印咗一個好大嘅「龍」字，機身就有一紅一黃嘅龍形拉花，都幾有強國味0架!
飛機可以坐13名乘客，機上仲有自己請嘅空中服務員。機艙內可以用豪華二字簡單形容，裝備如廚房、冷藏室、紅酒儲藏室都應有盡有，據知飛一次就要30至50萬。成龍接受訪問時就講過買私人飛機可以慳唔少時間，亦都可以招待好多藝人朋友，例如G-DRAGON喎。
各位，呢隊就係有「半個韓國人」之稱嘅成龍……捧出來的韓國組合——JJCC!
正式出道前，先熱下身!
靚仔嗎？
唔知點解，見到JJCC（或者嗌Double JC)呢張相，總覺得好似房祖名。
網上圖片
呢架就係成龍架私人飛機喇!
|
鍾意就快D Share啦！
|
|
|
