【新歡起底】林宥嘉新歡丁文琪 曾簽約英皇做霆鋒師妹
2014-03-11 14:36:00
丁文琪於02年曾來港發展，並簽約英皇，當時謝霆鋒及Twins都有撐師妹。（資料圖片）
自從與林宥嘉相戀以來，G.E.M.（鄧紫棋）每逢談及與男友嘅感情事，都會甜在心頭，不論喺鏡頭前、鏡頭後，都感覺到佢非常愛男方，點解去年6月仲雙雙手拖手現身台灣《金曲獎》頒獎禮，事隔不足九個月就斷言分手，甚至不想再提男方的事？究竟被指係傳聞中第三者嘅丁文琪，到底係何方神聖？
呢位台灣過氣女歌手丁文琪，曾於02年由台灣來港發展，現年29歲，原名叫江文琪嘅佢，當年簽約英皇娛樂，除咗獲師姐Twins接機外，仲獲師兄謝霆鋒擔任簽約儀式嘉賓，更贈送簽名結他當祝賀加盟禮物。
丁文琪分別喺02年及04年推出《我的丁文琪》、《騙子》、《怎麼愛都不夠》等三張專輯，可惜星途仍未見有起色，終於喺04年放下香港發展機會，返回台灣，及後再往日本修讀設計，現時已經沒有再接觸幕前工作。
當年Twins到機場接丁文琪機。（資料圖片）
謝霆鋒曾擔任丁文琪簽約儀式嘉賓，仲更贈送簽名結他。（資料圖片）
丁文琪同周英傑吔麵，大家仲記唔記得邊個係周英傑呢？（資料圖片）
現時嘅丁文琪，已經冇再接觸幕前工作。（微博圖片）
|
鍾意就快D Share啦！
|
|
|
