2014年3月24日星期一

社運女神自爆遭男友虐打兩個鐘曬驗傷證明

2014-03-24 21:48:00

雞排妹自爆遭唱片製作人男友溫晉禾痛毆，分手已成定局，但要求男方正式道歉。

「社運女神」雞排妹今日下晝喺FB轉貼反服貿嘅律師團聲明，仲「順便」自爆俾男友打:「昨天雖然沒有被警察打，但因為有一個人說：『在立院集結的人都是低能』，而起爭執，然後被打了，今天去驗傷了。感謝他只有掐脖子跟拖行摔我，沒有傷到我的臉，今天還要工作。從來沒有想過，會被男朋友打。好希望是場惡夢」，下？咁爆？雞排妹個男友，就係今年2月被台灣《蘋果日報》拍到手牽手仲過埋夜嘅唱片製作人溫晉禾。

雞排妹昨接受電話訪問時，一邊喊一邊話:「最近感情就不大好，他瞧不起我的工作，只會講話，沒有才藝。」雞排妹仲話，佢同男友嘅「肢體衝突」，由淩晨時份持續到早上，但又謂「抗爭」約2個鐘。雞排妹話明「感情走不下去」，即係玩完啦，但希望男方可以俾佢一個正式道歉。

雞排妹俾男友打，網民當然戥佢唔抵，亦有人報名做佢男友。不過今次「不幸事件」來得太巧合又太突然，故有網民質疑佢只係自導自演。結果今晚雞排妹索性再於fb展示驗傷證明，證明男友真係有鬱手鬱腳，但又請求大家對佢「手下留情」:「他雖然做錯，我不想給他額外傷害，不再回應媒體，也拜託媒體不要誇大傷害他。然後驗傷單在這，還要懷疑我什麼？」

係咪覺得好離奇嘅？