掃呢頁CODE去手機

2014年3月31日 星期一

無綫高調續約 轉型《東張》 譚玉瑛眼濕濕:希望大家唔好唔認得我 譚玉瑛,




無綫高調續約 轉型《東張》 譚玉瑛眼濕濕:希望大家唔好唔認得我

2014-03-30 20:30:00



做咗32年兒童節目嘅譚玉瑛,今日終於忍著淚,向兒童節目say goodbye。

早前本報踢爆無綫要兒童節目年輕化,而將50歲嘅譚玉瑛姐姐踢出局,將佢由主持變為顧問,但明知佢本月底約滿,又遲遲唔肯同佢傾續約,疑採拖字訣令佢「自然流失」,就連譚玉瑛當日接受本報訪問時,亦無奈地謂:「希望可以清楚啲知道件事將會點做。」

消息曝光後,無綫被外界狂轟,即火速補鑊跟譚玉瑛斟約,除安排佢轉顧問及簽藝員約主持《東張西望》外,今日喺譚玉瑛最後一日錄影《放學ICU》時,大龍鳳地舉行簽約儀式。

譚玉瑛今日喺將軍澳為《放學ICU》作最後一日錄影,公司特別為仍佢安排簽約儀式,高層余詠珊、主持蓋世寶等先後送上蛋糕及鮮花。

譚玉瑛姐姐喺儀式上話:「今日錄影,令我諗起第一年做兒童節目,監製同我以及張國強慶祝生日,又有蛋糕、又帶埋記者,好似記者會咁,好似一個完美呼應,整體嚟講我係開心嘅。平時我成日鬧人,好似俾人寵壞咗咁,將來希望可以展露溫柔可人嘅另一面比大家睇。希望大家以後唔好唔認得我。」說罷譚玉瑛即時眼濕濕。





無綫今日做曬大龍鳳,同譚玉瑛姐姐續約,並安排之「轉職」主持《東張西望》。



之前譚玉瑛姐姐接受本報訪問時,表示本月底約滿,但余詠珊只曾與之傾過一次就冇下文,令譚不知如何是好。話咁快,今日就有大龍鳳睇。





譚玉瑛姐姐受訪時話:「平時我成日鬧人,好似俾人寵壞咗咁,將來希望可以展露溫柔可人嘅另一面比大家睇。希望大家以後唔好唔認得我。」







鍾意就快D Share啦!