網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年4月18日 星期五

[忽然1周 977] 偽文豪新書 再辣鎮宇蘇玉華 鎮宇,蘇玉華,吳鎮宇,MW,




3,000本火速賣曬!

媽咪姐

偽文豪新書 再辣鎮宇蘇玉華

講到呢期最爆嘅,梗係由前 PA偽文豪出嗰本《 TVB血淚屎》本書出咗短短兩、三日, 3,000本全部賣曬,依家要快馬加鞭加印 6,000本(出版商話下星期有售)。厲害!媽咪姐我當然唔執輸啦,開售第一日即刻仆到去買本返嚟拜讀嚇!本書咁好賣,「豪仔」你真係要多謝 CCTVB㗎,人哋特登喺《東張西望》整輯「教育電視」出嚟平反,你直頭連宣傳費都慳番!











媽咪姐咪完成本血淚屎之後,發現除咗「唔唱 K」同「 Chok峯」之外,仲有兩單嘢未爆出嚟!話說偽文豪 09年拍緊《大冬瓜》嘅時候,俾導演要求轉陀螺影幾個 shot,點知佢轉咗幾次都轉唔起,劇中小演員一轉就搞掂,「然後後面一眾工作人員同蘇玉華姐姐又開始碎嘴﹕『大學生喎,真係冇鬼用!』」有網民讀者睇到呢段,狂插蘇玉華乞人憎,話抵佢半紅不黑!媽咪姐即刻就打俾蘇玉華求證嚇啦,點知佢一聽到呢單嘢就即刻話好忙,「唔可以傾呢個電話,趕住出門口」。

另一單呢,就係爆喺一班演員口中嘅「阿狼振乳」嘅醉酒惡行。「演員甲﹕『我梗係知佢躁狂,見過佢踢爆 K房道門啦,不過咁啱啲 Friend約我,佢 join埋,我都冇計。』」 Well,睇個名,好難唔令人聯想到「 Sam哥」吳鎮宇噃。可惜直到截稿前,鎮宇都未有回覆。我哋亦有致電偽文豪問「阿狼振乳」係咪就係「 Sam哥」,佢回覆:「如果我可以講俾你知,我就唔使用『阿狼振乳』呢個名」想睇呢位是非人物現身說法, click《話你知》〈金翅大鑊鳥 偽文豪〉

偽文豪出本小書,即刻觸動大台嘅神經,行政主席梁乃鵬現身回應話唔明陳志雲點解要幫偽文豪寫序,又話有好多 PA如杜琪峯、王家衞都變咗名導。嗯,媽咪姐只想講,杜琪峯、王家衞已經係幾代前嘅人喎,講完。

偽文豪話拍《大冬瓜》時,蘇玉華試過對佢好唔客氣,但同劇嘅智叔就係一等一好人,仲有份幫佢寫序。

俾蘇玉華話無用

09年偽文豪話拍《大冬瓜》時,導演叫佢轉陀螺拍幾個 shot,點知佢唔識轉,即刻俾工作人員同蘇玉華寸。

爆狼振乳躁狂

偽文豪經常聽到明星不為人知的私生活,好似演員口中嘅「阿狼振乳」就會經常酒後躁狂。

網友力撐

因為 fb,偽文豪先有機會出書,而一班網友一直力撐,佢嘅 fb專頁仲愈嚟愈多人 like,依家已經破咗 3,900人嘞。所以話,網民就是力量!

呻買唔到書

怒插大台

偽文豪 fb致謝

偽文豪自認不平則鳴,不過對於有網友睇完書,話估唔到蘇玉華都咁衰嗰時,佢罕有地幫阿蘇講番兩句好說話。不過,對於佢喺書中狂插嘅吳卓羲,偽文豪就同媽咪姐直言話唔 like!

網友插

幫番阿蘇



鍾意就快D Share啦!