掃呢頁CODE去手機

2014年4月17日 星期四

[壹週刊 1258] 殃及池魚 老千男友再被追債 陳法蓉拖落水 陳法蓉,M1,




視朱明為未婚夫的陳法蓉, 08年,經常被拍到出入朱明的半山豪宅,但二人十分怕鏡頭,見有記者拍照,即遮臉耷低頭。

探熱針

殃及池魚 老千男友再被追債 陳法蓉拖落水

追過劉嘉玲,又跟陸詩韻拍過拖,○八年和陳法蓉傳婚訊,被指擁有十億資產的富商朱明,金融海嘯後欠下一身債,隨即人間蒸發,再無於娛樂圈蒲頭。日前,朱明又被人在灣仔貼大字報追債,以「港姐陳法蓉前男友朱明再次欠債不還」為題,大數他欠債改名唔還錢種種罪狀,甚至前妻也被拖累入獄。一度公開宣布要做朱太的陳法蓉,又再慘被拖落水。

六千萬債

上週五(四月十一日)中午,於有不少流浪漢聚集的灣仔地鐵站,莊士敦道出口附近,有人不斷將大字標題寫著「港姐陳法蓉前男友朱明再次欠債不還」的 A4紙追債大字報周圍貼,由於牽涉陳法蓉,惹來不少途人駐足觀看。

○八年,陳法蓉被踢爆跟做食油生意的朱明拍拖,生活愈來愈富貴的她,就算明知男友一腳踏兩船,與年紀細她一截的港姐師妹陸詩韻有景轟,亦忍得就忍,更部署拖埋老豆公布婚訊,宣示主權,企圖阻截男友在外「搵食」。

搶到未必好!未幾,朱明投資失利,被指欠下六千萬巨債並人間蒸發,他旗下的球隊「四海」,亦受影響拖糧唔出。

「朱明唔係真名,之前叫陳駿,九七年已經試過欠成千萬數,失蹤過一排又俾佢翻到身,之後又用咗朱明個名做生意;佢背景好複雜,好鍾意識娛樂圈啲女仔,出手又闊綽,鬱嚇送 Hermes,陳法蓉有年生日,佢開咗廿幾萬紅酒,好肯使錢,所以好多女仔會主動黐埋去。」知情者說。

陸詩韻曾被拍到跟朱明拍拖行超市。

豪歎日菜

據了解,朱明避債潛水後,陳法蓉一直無法聯絡到未婚夫,之後便單方面宣布二人已經分手,恢復掛牌,大部分時間在國內開工的她,鮮有在香港蒲頭。

「其實朱明呢兩年都有經常喺香港,早排有人見到佢同幾個人喺中環四季酒店稻菊食日本菜,又見過佢同個長髮女仔行太古廣場 shopping,佢只係冇再喺以前嘅圈子出現。」知情者說。

對於前度欠債被拖落水,陳法蓉只是透過經理人回應。

「佢哋分咗手之後就冇聯絡,上年都有人貼過呢啲大字報,我哋本來想報警,不過律師話因為冇涉及人生安全,警方唔會受理,我哋都好無奈。」

至於跟朱明拍過拖的陸詩韻,亦以「咩都唔知」回應。

已經消失模界的周倩圮,有指跟朱明都行過一段時間。

陳法蓉跟朱明分開後,不斷返內地做騷賺人仔。

是虔誠基督徒的她,早前就相約好姊妹黎美嫻及毛舜筠到外地傳道做見證。

朱明 08年以八百萬購入球隊「流浪」,並改名為「四海」。

朱明有景時,就連未係人妻的劉嘉玲都約出來一起食意大利菜。

跟錯人

選美標榜美貌與智慧,不過唔少佳麗其實得個殼,有時更為急於嫁入豪門,揀錯人泊錯岸,適得其反。

陸詩韻

05年港姐亞軍陸詩韻,經過朱明一役依然未學精,跟大馬商人吳銘偉拍拖三年,原來又係空心老倌,去年初,男方被人貼大字追債。

曹央雲

94年亞姐季軍曹央雲,跟商人何永安先後誕下兩女, 09年男方搭上公司下屬,並產下一對孖仔,鐵心的何永安最終連兩女的生活費都唔負責。



鍾意就快D Share啦!