在港註冊擺酒 蘇永康聖誕娶老婆
8年情開花結果 蘇永康聖誕娶老婆
【中環】現年46歲的蘇永康與拍拖8年的37歲女友馮翠珊（Anita）終於修成正果，準備年底聖誕節期間在港舉行婚禮，最近他已開始聯絡各大酒店，看年底有哪間酒店有地方給他筵開30席，讓至親好友一起分享他們的喜悅，不過愛低調的蘇永康希望在婚前將婚訊保密，直至擺酒當日才正式向外公佈。
蘇永康最近心情大好，因為早前他向女友Anita求婚成功，今年底的聖誕節期間，兩人將拉埋天窗，雙方家長已默許婚事，一對準新人已開始向圍內朋友和至親公佈喜訊，不少好友都替他們開心，因為眾人見證兩人拍拖8年，也一早勸蘇永康快些娶女友回家，但他始終沒有行動，直至見到許志安與鄭秀文都結束了愛情長跑，他才決心趕在今年底把婚事辦好。
■蘇永康與拍拖8年的女友Anita準備於聖誕期間共諧連理。資料圖片
承認要做兩件事
結過一次婚的蘇永康，原本再婚是不打算鋪張，但因為母親和女友都想跟親朋好友分享他們的婚事，希望可以大排筵席，為了滿足家人和女友的要求，今次再婚才會大搞，早前他已通知Big Four成員許志安、梁漢文和張衞健留年底檔期給他，因為他打算邀請這幾位老友擔任兄弟團成員。
不過，蘇永康不想在結婚前受到傳媒追訪，所以他已經叫所有好友保守這個秘密。然而紙始終包不住火，由於眾多好友已收到通知，之前吳國敬也不小心說漏了嘴，爆出他今年要結婚，事後被他鬧爆說話不經大腦，而蘇永康本人就非常口密，拒絕多講。記者昨日致電蘇永康求證年尾結婚消息，他承認有結婚計劃，但聲稱沒確切婚期，他說：「好坦白同大家講，今年有兩件人生大事想完成，但未肯定做唔做到，所以未能向外公佈，其中一樣就係結婚，我同女人（指女友）度過期冇可能，佢有幾間店要開，12月又係我做騷旺季。結婚雖然只係簽紙，但我媽咪年事已高，如果搞，我會燒曬煙花大排筵席，仲會通知傳媒採訪，我學佛惟有交畀上天，希望今年可以完成。」
■日前蘇永康陪女友在中環逛名店購物。
■蘇永康仔細睇貨，睇到連眼鏡也除掉。
■今年底蘇永康結婚，他已通知Big Four好友梁漢文、張衞健和安仔擔任兄弟團成員。資料圖片
問是否已搵酒席？蘇永康說：「酒席使乜搵，我呢啲人要結婚，邊有可能搵唔到地方，但𠵱家真係冇時間，噚晚（即前晚）仲同女人傾呢個問題，自己行年四十有七，佢都唔細三十有七，希望唔好超過2016年結婚，因為唔想女人過四十歲嫁畀我，佢跟咗我八年，結婚對象一定係佢。」至於另一件人生大事，蘇永康暫未肯透露，只表示希望9月完成這事後，再完成人生第二件大事──結婚。
耐心陪女友睇鞋
此外，蘇永康日前與女友Anita現身中環置地廣場一間名店，其女友想買鞋，在店內試了幾對鞋，後來又試皮袋，但始終未選到合心水的，而蘇永康一直很有耐性陪住女友，擾攘近一個小時，兩人才步行去置地文華酒店取車離開。
採訪、攝影：鍾國仁、潘冠恩
■早前爆響口指蘇永康結婚的吳國敬，也將與圈外女友Elaine拉埋天窗。資料圖片
|
鍾意就快D Share啦！
|
|
|