2014年5月5日星期一

栢芝又被集郵仲俾人吊…「我嫌它不夠高 !」栢芝,張栢芝,

栢芝又被集郵仲俾人吊…「我嫌它不夠高 !」

2014-05-04 20:32:00

無論去到邊，都會見到栢芝。(互聯網圖片)

張栢芝同兩個囝囝Lucas、Quintus喺新加坡生活，趁有空閒，栢芝都會帶佢哋四圍玩。日前，又有網民好「唔覺意」咁，喺新加坡市民見到佢哋喺聖淘沙環球影城見到一家三口，網民大讚兩兄弟倆排排坐喺媽咪旁邊，好乖咁，樣子好可愛，亦有好多人都大讚栢芝沒架子。

此外，栢芝喺噚晚播出嘅東方衛視《媽媽咪呀》，因為見到一位來自上海嘅辣媽大跳性感舞蹈，而且獲老公全力支持，十分羨慕嘅栢芝忍唔住話：「你的老公真的很聰明，如果全世界的男人好像你老公一半的話，那個世界上就不會有離婚了。」

另一對夫妻表演雜技表演，做出好多高難度動作，睇到栢芝目瞪口呆，之後其他主持人起哄，叫栢芝同嗰位人夫玩一次空中飛人，見佢都玩得有板有眼，玩完之後栢芝話：「非常好玩，我嫌它不夠高。」真係藝高人膽大。