[忽然1周 984] 陳凱琳貼身膏藥 凱琳,陳凱琳,MW,

行行嚇街嘅陳凱琳呢頭收到 daddy mami嘅電話，嗰頭就出現喺面前，陳凱琳表現得好無奈。

囡囡，我哋係咪快過穿梭機呢！（設計對白）

媽咪姐

陳凱琳貼身膏藥

呢位港姐都算巴閉喇！佢係三「最」港姐，近十年最靚最後生！同埋同埋，上圍最細！

陳凱琳家底仲好厚㗎，佢住喺九龍塘市值過億，面積達 5千平方呎嘅獨立屋， Daddy仲有唔少舖頭收租㖭。之但係，上帝造人好公平嘅，陳凱琳咩都有，但有一樣嘢佢係冇，就係「 freedom」！呢日見佢喺銅鑼灣行行嚇， daddy mami都要頻頻打電話嚟check住佢行蹤，之後仲親自揸車接寶貝囡返歸，十足十貼身膏藥一樣！唔知陳凱琳有冇怨父母「厚多士」呢？

陳爸爸親自揸車接寶貝女返九龍塘大宅，睇嚟要溝佢都唔係咁易。

陳凱琳又靚又有米，都唔怪得父母會成個「緊張大師」咁嘅！

鍾意就快D Share啦！

下一篇 》