掃呢頁CODE去手機

2014年6月6日 星期五

[忽然1周 984] 百萬打發小三 Liddy 彭順秘密攜妻返港攤牌 彭順,李悅彤,Liddy,MW,




打頭陣

百萬打發小三 Liddy 彭順秘密攜妻返港攤牌

介入彭順及李心潔婚姻的𡃁模 Liddy(李悅彤),日前被揭是哄動九龍灣啟晴邨槍殺案疑兇李德仁的女兒後,坎坷身世曝光,再成為傳媒焦點。一直潛水的 Liddy周二( 3日)早上與母親在沙田富山殮房認父屍首度現身。

據知 Liddy被揭做小三後再加喪父之痛,情緒陷崩潰狀態。六神無主的她頻頻致電彭順死𦧲。至於偷食斷正的彭順,為了向老婆李心潔派定心丸,上周四( 29/5)攜妻秘密返港,原打算與小三 Liddy攤牌搞清關係,但被 Liddy父一槍打垮大計,為免再刺激 Liddy,彭順局俾百萬掟煲費。

不過,半年前 Liddy為了彭順與有米未婚夫 Simon分手,現在彭順想用完即棄,似乎冇咁易!











彭順偷食𡃁模 Liddy爆出後,旋即急返大馬向老婆李心潔負荊請罪。傷心欲絕的李心潔被激到入院吊鹽水(更有傳是自殺),李父揚言會為女出頭教訓女婿,連彭順的女兒欣欣亦撐後母。成為眾矢之的的彭順,局住公開道歉,揚言與小三斬纜。為了令愛妻息怒,秘密偕妻返港,打算當面與小三攤牌。

住酒店避記者

彭順偕妻秘密返港的消息,其實來自譚詠麟。上周四,阿倫與李克勤到大馬開個唱記招時突然爆響口︰「你哋唔使喺大馬等,彭順兩夫婦今日已返咗香港啦,我喺香港機場見到佢哋入境。」據知彭順夫婦為避傳媒,沒有返回大坑寓所,在港島區租酒店暫住。

至於 Liddy,被爆做小三後亦透過 WhatApps向友人呻爆︰「我和他是真感情……不是想破壞人家,也不是博上位」,「好迷惘……我未試過咁樣俾全城圍剿……除咗喊我唔知可以做到咩……」明搶人夫,但 Liddy卻扭曲愛情大曬。

據知彭順返大馬後,小三 Liddy不斷致電他哭訴,風頭火勢下,彭順惟有向老婆誓神劈願返香港同 Liddy攤牌,為了表示決心,他帶埋情緒欠穩定的老婆李心潔同行,方便照顧。

「偷食」事件見光後,彭順上周三(28日)與李心潔聯名發了聲明,之後數小時彭順再發一段聲明,兩人繼而「潛水」。最初 Liddy只將自己的微博刪走,保留與彭順的合照,不過當彭順發「對不起」聲明後, Liddy即刪除合照。

李心潔上周在大馬被發現殘爆求醫,要在胃科吊鹽水。她身邊除了有老公彭順,仲有張艾嘉助手陪住。

折返大馬

彭氏夫婦到埗不足兩天,便發生 Liddy父親槍殺案兼吞槍自殺,令彭順的攤牌計劃被迫打住。「彭順見咁嘅環境,佢都唔敢講分手刺激 Liddy,怕佢要生要死,搞出事仲大鑊。最後彭順惟有攞七位數字俾佢解困,又幫 Liddy安排咗架中港車,等佢避開傳媒追訪。」

攤牌不成,彭順見事件愈鬧愈大,惟有秘密再折返大馬,繼續龜縮。彭順要付百萬掟煲費,連之前為 Liddy的百萬解約費,數目不少,但為免成為世紀殘男,亦甘心科水。

與 Liddy熟稔的𡃁模 Naomi表示︰「 Liddy份人雖然好勝,但絕唔係見錢開眼嘅人。上年年尾同佢去個生日會,有個又靚仔又有錢嘅富二代想追佢,但佢都唔受溝。」

當時 Liddy已經同人夫彭順一齊,而彭順更向她承諾會離婚,天真的 Liddy信以為真。 Liddy密友爆料:「班姊妹都提醒佢,但佢聽唔入耳,仲話彭順一早同老婆李心潔已經分房瞓,冇性生活好耐,所以自己唔係第三者喎!當佢知道彭順返大馬箍老婆時,癲咗咁喊,猛打俾個男人,鬧佢講大話。」

父吞槍亡

周日( 1/6)槍殺案疑兇李德仁曾企出窗外,後吞槍自殺,事件成為本周熱話。想不到,原來李德仁女兒,就是彭順小三 Liddy。

變臉前激似生父

Liddy被指近年面容有變,但她變臉前,五官原來和父親李德仁甚為相似。

認屍哭崩

本周二( 3日), Liddy聯同妹妹及母親,到沙田富山殮房為父親認屍。三人哭崩,中間的 Liddy更傷心到腳步浮浮,由白衫的母親及妹妹攙扶,三人離開時不發一言。《蘋果日報》圖片

Liddy乘搭的七人車有中港車牌,她一離開沙田便直駛往深圳。當年陳志雲發表完「真的假不了」言論後,亦是用同一招撇開傳媒。如此高招,據知是彭順悉心安排。

陪酒養家

在湖南出生的 Liddy來自破碎家庭, 92年隨母來港定居,因為父親包二奶,醉酒返家便打母親出氣,令她飽受壓力。尤其 4年前父母離婚後,為了照顧沒工作的母親及患抑鬱病的妹妹,經濟重擔便落到她身上。

自小發明星夢的她,曾向友人透露希望有天飛黃騰達,改善家人生活,所以中學時期她已經兼職模特兒。而本來在美容院做登記護士的她,因月入僅得數千,入不敷支下,曾試過在中環夜總會陪酒,月賺三、四萬。

初戀無限 feel

上周驚爆彭順搭上小三 Liddy,兩人周街拖手、熱吻,甚有初戀 feel,難得 Liddy不介意男方大過自己廿幾年,愛得投入。《蘋果日報》圖片

《蘋果日報》圖片

Naomi(右)和 Liddy因拍《喜愛夜蒲》系列而成為好友, Naomi不諱言曾介紹富二代給 Liddy,但 Liddy並冇因為錢而同男方撻著。

Liddy街坊李婆婆指:「呢家人日嘈夜嘈,嗰個女仔都成日帶男仔返屋企。」

情傾熟男

「佢最艱難嗰陣真係做過陪酒妹,差唔多半年。不過,後來識咗有米男友 Simon後,佢就冇做啦。 Simon家底厚,都好錫 Liddy,仲養埋女朋友阿媽同個妹。 Liddy初時都疊埋心水諗住嫁,不過去年初識咗彭順,佢哋一拍即合。 Liddy一向都鍾意啲成熟嘅男人,加上彭順𠱁𡃁妹真係有一手。最後 Liddy為咗佢同 Simon分手㖭!」知情者說。

又難怪 Liddy落疊,兩人黐埋冇耐,彭順已在日出康城租了個單位照顧 Liddy一家,大手筆為她付百萬解約費,幫她贖身,更鋪橋搭路為 Liddy圓明星夢。去年底, Liddy終於在彭順徒弟黃柏基執導的電影《四非》中擔正女主角,令多年來在娛樂圈浮浮沉沉的她,重現曙光。

不過,正當 Liddy以為愛情事業「苦盡甘來」之際,突然間愛人及親人接連消失,連番沉重打擊下, Liddy情緒面臨崩潰邊緣。對於用錢打發她的彭順,她惟有死纏爛打。彭順呢筆蘇州屎,相信冇咁易清理!

母女情深

早前 Liddy同母親去台灣旅行。兩母女飽歷滄桑,感情甚好,母女合力砌出「愛」來。

渴望溫暖

拍攝硬照廣告時,要跟其他演員扮溫馨,出身自破碎家庭的她,不諱言想有一個幸福家庭。

感懷身世

Liddy自言心靈脆弱,又話女孩子都應該是父母的掌上明珠,似是感懷身世。

鬧市避忌

今年 1月,本刊發現彭順已與小三在銅鑼灣鬧市現身,當時兩人尚未敢明目張膽當街親熱,還刻意保持距離。

黐仔脫貧

09年入行的 Liddy,以飾演「 Sing之天使」入行。同年拍《四葉草》時與羅鈞滿撻著,不過只拍拖數個月便分手。翌年,便與有錢男友 Simon拍拖,兩人同居之餘,更有指 Simon包養 Liddy一家。去年 Liddy搭上彭順,彭順更在將軍澳為她租下寓所。

有傳 Liddy和有錢男友 Simon曾經訂婚。火辣 Liddy更曾當眾跪下為他撫胸。

錢國偉愛黐𡃁模, Liddy主動攬佢,難怪錢國偉咁得戚啦。

羅鈞滿 11年攬住 Liddy食消夜,才被揭發兩人關係。

高調示愛

Liddy出事後刪走自己微博,原來她在微博上不時寫下自己心聲,高調曬愛。

2013年  3月:願意等他

兩人去年 3月撻著,早知自己是小三的 Liddy,明言彭順值得自己等待,又表示對自己有信心,可以苦盡甘來。

5月:忽然示愛

去年 5月 20日, Liddy在網上向彭順高呼「我愛你」( 520諧音),仲大曬彭順送贈的鑽戒。

2014年  5月:與「熊」有約

Liddy剛去完旅行,兩人小別勝新婚,和彭順食 tea時, Liddy更以「小熊」稱呼彭順。

堅持苦戀

明知做小三難有好結果,不過 Liddy堅持自己冇錯,仲話自己享受這種感覺。

打情駡俏

彭順多年來食女無數,食得多,自然冧得多,難怪 Liddy對住呢位「大叔」,仍然被電到暈得一陣陣。

網友圍插

雖然 Liddy兩星期內失去愛人又失去爸爸,但仍然被網友插爆,反而劉嘉玲撐佢,仲話:「一個家庭慘劇,劇本寫出嚟都會問有冇咁誇,佢(Liddy)好值得同情。」

受父影響做小三

Liddy曾在微電影《姻緣電影》中,有精神崩潰的戲份。

Liddy爸爸被指有精神病,妹妹又有抑鬱症,據精神科醫生張建良估計,家族的發病機會有 50至 60%。「精神病會有遺傳,不過有啲人一生人都唔會發病。( Liddy由細到大都睇到爸爸打媽咪,但平日性格好開朗!)佢可能真係好樂觀,亦有可能雙重性格,或者喺人前有個面具。」

Liddy近日被指讀書時已經鍾意做小三,原來老竇包二奶會成為子女做小三的誘因。「人生嘅悲劇不斷重演。例如好多被虐待嘅小朋友,雖然細個會討厭施虐者,但佢哋大個咗,有意無意之間會虐待自己子女。」



鍾意就快D Share啦!