掃呢頁CODE去手機

2014年6月6日 星期五

[忽然1周 984] 向金秀賢下跪 陶晶瑩發花癡 金秀賢,MW,




當晚打正旗號追「金」嘅陶晶瑩,喺台上已經拎住手機對金秀賢狂拍(小圖),想唔到頒獎時更嚟個「卑躬屈膝」,令睇直播嘅網友火遮眼,紛紛留言嘲諷,仲提番上年嘅杜海濤事件!

媽咪姐

向金秀賢下跪 陶晶瑩發花癡

近年韓星成為被追捧對象,迷哥迷姐見到自己心儀偶像而做出一啲過激�動唔出奇,斷估唔到連台灣陶晶瑩都做出腦殘行為,又真係有點兒那個囉。

話說上星期陶晶瑩有幸被邀作「第 50屆韓國百想藝術大賞」頒禮嘉賓。但當佢頒發「最具人氣大獎」俾金秀賢時,早已被譏患有「都叫獸依賴症患者」嘅佢,喺獻花俾金秀賢時,竟然做出「單腿下跪」求婚狀姿勢。

呢一幕被睇到直播嘅網友噴到佢體無完膚,鬧佢有辱國體雲雲。話時話,媽咪姐睇到都覺得礙眼,陶阿姨話曬都係台灣著名主持人,竟然如此花癡,真的叫人受不鳥喎!

舊年杜海濤喺北京舉行嘅「 2013年百度盛典」頒獎禮上面,都單膝跪地向 G-Dragon獻獎。事後遭網友炮轟,湖南衞視礙於輿論而將其「雪藏」,禁止演出《快樂大本營》,直至今年初先解凍咋。

頒獎前杜海濤特登將跟 G-Dragon嘅合照放上微博曬命。



鍾意就快D Share啦!