撲水新聞添壓力 黃芷晴：媽咪唔開心
全家撲水新聞添壓力 芷晴：媽咪唔開心
黃日華女兒黃芷晴與港視藝人梁寶琪前日響應捐血招募員古天祥的呼籲，到油麻地紅十字會捐血中心，一心捐血幫人，惜黃芷晴於捐血前一日肚屙，梁寶琪因貧血而不夠血紅素，雙雙被拒捐血，古天祥則順利捐血350c.c.。
■黃芷晴測試血紅素，惜最後因腸胃不適而被拒捐血。
「就快出院」
黃芷晴對未能捐血感可惜，她說：「之前媽咪身體有事，要輸血，媽咪需要人幫，自己都想幫人，血庫唔夠血，等下次身體好番，同爸爸再嚟。」問到媽媽梁潔華血癌病況？她說：「好番好多，就快出院，澄清一下有新聞話媽咪要骨髓，全屋冇人適合捐，報道係假，未去到需要骨髓。」對於全家被指要撲水200萬救媽媽，她說：「唔係真，我係工作多咗，唔關撲水事，媽咪保險包曬，報道搞到媽咪啲朋友擔心，婆婆啲朋友睇到新聞都追問，有壓力，呢樣令媽咪唔開心。」她還澄清媽媽未有暴瘦，表示如媽媽身體許可，並獲醫生准許，會帶媽媽捐血。
第10次捐血的古天祥獲頒獎狀，表示小時候因貪威而開始捐血，梁寶琪謂調理好身體就約黃芷晴再捐血，工作方面就剛剛拍完港視劇《惡毒老人同盟》與微電影。
■黃日華被指撲水醫老婆，囡囡黃芷晴代為否認。
【我撐公投】網頁:
http://622popvote.appledaily.com
|
鍾意就快D Share啦！
|
|
|