【鬼故嚟0架？】張傑謝娜驚傳離婚 又關阿G.E.M.事？
2014-07-09 14:46:00
G.E.M.無啦啦同張傑爆緋聞，仲話佢仲介入謝娜婚姻。（微博圖片）
自內地歌手張傑參加《我是歌手2》後，佢同太太張娜就屢傳不和，而張傑同G.E.M.（鄧紫棋）嘅緋聞更是滿天飛。
近日又有強國網民爆料，指張傑同謝娜已經喺上月底低調離婚，而最爆嘅係，竟然話張傑會喺11月同G.E.M.舉行婚禮。
該爆料人仲言之鑿鑿透露，張傑謝娜離婚原因，不單止係傳G.E.M.介入，又話謝娜女強人性格非常霸道，令張傑難以忍受喎；而34歲嘅謝娜至今仍然不孕，爆料人話佢兩個一早已經好多磨擦喎.....哇哇哇﹗好似鬼故一樣呀﹗
不過謝娜懶理呢啲傳聞，噚日上午佢轉發咗一條老公張傑喺上半年唱片銷量榜奪冠嘅微博，咁即係冇事啦﹗
而G.E.M.噚晚亦貼咗張拎住碟餸嘅自拍照上微博，就話：「意外地被帶來了一家玫瑰花餐廳，還意外地收到一朵玫瑰花豬肉，開心死我。」邊個帶去佢玫瑰花餐廳呢？
之前就有傳金秀賢同G.E.M.傳緋聞，又係另一個鬼故事。
G.E.M.噚晚收到一朵「玫瑰花豬肉」（微博圖片）
謝娜懶理呢啲傳聞，噚日轉貼咗老公唱片銷量榜奪冠嘅微博（微博圖片）
|
鍾意就快D Share啦！
|
|
|
