[FACE 372] 開心失業 炒魷補半年人工 Coffee：唔恨嗰啲錢 Coffee,林芊妤,MF,

由於事前已作最壞打算，所以 Coffee即使被無綫炒魷，心情亦冇大影響，上週四（ 3日）被拍得湊侄仔放學去食老麥。《蘋果日報》圖片

真面目

開心失業　炒魷補半年人工　 Coffee：唔恨嗰啲錢

因為喺 ifc「 gathering」，令「 sing之天使」出身的 Coffee（林芊妤）變為「殘廁天後」。上週三（ 2日）返大台接大信封，大台仲話了解 Coffee家庭環境，皇恩浩蕩向 Coffee發出半年人工（ Coffee跟大台只剩半年合約），正式斷絕賓主關係，外人以為 Coffee好窮。

據知， Coffee的確家住調景嶺公屋，但家庭環境唔差，林家更於 188商場經營 2間賣遊戲機用品店。週日（ 13日） Coffee將以 2萬元騷價出席公開活動， Coffee接受本刊訪問時直言唔恨大台施捨，「唔知佢哋幾時（出糧）畀我，我都唔恨嗰啲錢住，做咗手頭工作先。」

25歲林芊妤（ Coffee）因為喺 ifc同達利國際集團 30歲董事林知譽「 gathering」而一夜成名。事後 Coffee避走到大陸登台，到上週三（ 2日）終於回大台見樂大媽（樂易玲），不過大台話體恤 Coffee家境，所以就算提前解約，都賠半年人工給 Coffee。

上週五（ 4日） Coffee同胞兄一家到長隆玩，即使發生「 gathering」事件， Coffee家人仍相當支持 Coffee，她與侄仔感情仲相當要好！

Coffee父親喺灣仔 188商場租了兩間鋪賣遊戲機用品多年，出名老實，亦有唔少熟客。 Coffee入行後亦經常喺鋪頭幫手。網上圖片

Coffee一家四口原本住調景嶺公屋。據知父親相當保守，一直反對 Coffee入行，但一家人感情要好。網上圖片

多熟客生意

雖然 Coffee家住調景嶺公屋，表面上家境麻麻，但查實，林家於灣仔 188商場經營 2間遊戲機用品店，而 Coffee爸亦因做生意老實，所以儲落唔少熟客仔。至於 Coffee胞兄，有傳他曾染有不良嗜好，現在國內休養中。不過 Coffee跟胞兄感情要好，所以上星期三被炒， Coffee翌日便同胞兄一家到長隆水上樂園玩。

離開大台後， Coffee會繼續做瑜伽教練搵錢，亦會接騷，所以 Coffee話收入不成問題，「我嚟緊星期日（ 13日）都有活動出，瑜珈亦開始教番。我收 1千蚊個鐘，好彩啲熟客都繼續支持。（傳聞你阿哥曾有不良嗜好？）我阿哥係正常人喎，唔好亂屈呀！（收咗無綫張票未？）其實都好忙，亦唔知佢哋幾時畀我。我都唔恨嗰啲錢住，做咗手頭工作先啦。」

Coffee雙親分別喺 1樓、 2樓看鋪，兩鋪租金約值 3萬，記者問到 Coffee一事， Coffee父即大為緊張，全程封口。

鍾意就快D Share啦！

下一篇 》