馮仁昭四圍超：偷啜翻版謝安琪 盛品儒遭女友狠飛 - 馮仁昭
攬啜33C翻版人妻Kay 盛品儒遭有米女友狠飛
盛品儒「眾所周知」去灣仔面試，順便偷食𡃁模斷正，而佢女友太陽城集團主席周焯華、人稱「洗米華」嘅表妹蔡一鳳，噚日即刻斬纜嗌分手。據蔡一鳳密友透露，佢兩個之前已經分過手，但盛品儒咬住唔放，不過經過今次偷食斷正曝光，復合就應該無望。
■在暴風雨前夕，盛品儒和女友蔡一鳳開心拖手出席人妻黎虹讌結婚周年飯局。互聯網圖片
心情靚借勢宣傳
仲想話搞生意，大展拳腳嘅盛品儒，噚日被女友狠飛嘅佢，就係facebook轉貼本報連結話：「今次大鍋（鑊）了！不過順便宣傳鐵將縱橫！」噚日致電甩拖後嘅盛生，佢今次真係冇聽電話喇！
最搞笑係天生媾女狂盛品儒前日接受本報訪問之後，若無其事咁拖蔡一鳳去緋聞人妻黎虹讌嘅23周年結婚紀念飯局，人前人後，都狀甚恩愛，點知淩晨過後，暴風雨光速降臨，女友要急急割席，以免影響聲譽。
■老闆盛品儒喺灣仔約𡃁模面試。
■Ashina（左）有翻版謝安琪之稱。 互聯網圖片
至於盛品儒偷食對象，有讀者報料話係𡃁模組合Super Sexy Hero（SSH）嘅成員郭奕芯Ashina，話佢似𠵱家好熱嘅人妻謝安琪，仲話有對好勁嘅33C胸器，難怪盛品儒飲多兩杯會色心起。
撰文：馮仁昭
|
鍾意就快D Share啦！
|
|
|
