【集思廣益】網傳食字演唱會名 包保笑到肚痛
2014-07-27 00:04:00
如果有啲咁有趣嘅演唱會名，會唔會幫助速銷?
最近唔知大家whatsapp有冇收到一個食字演唱會嘅截圖?入面啲演唱會名令人笑到肚痛，其實係最近一個專門發佈影藝節目活動時間嘅facebook專頁，開咗個自稱「呃like」嘅po叫「十個食字演唱會」，徵集各位網民嘅創意演唱會名，佢哋首先拋磚引玉，先放出幾個好搞笑嘅演唱會名出嚟，好似「張敬軒一髮動全身演唱會」、「陳奕迅則有不信則無演唱會」、「人在做五月天在看演唱會」、「方大同是天涯淪落人演唱會」、「林宥嘉嘉有本難唸的經演唱會」、「做又蘇打綠唔做又蘇打綠演唱會」同「一生起碼周柏豪一次演唱會」等，真係笑到肚都攣。
經過連日來嘅集思廣益，創意澎湃嘅網民分享咗好多超級爆笑嘅演唱會名，當中唔止食字咁簡單，仲加入咗一啲流行用語以及廣東俚語等元素，展示出香港人嘅創意，以及中文有幾咁千萬萬化，精選演唱會名如下，其實各大唱片公司改演唱會名都真係可以參考下:
黎明請你不要來演唱會
冇用Hair GEM 好驚演唱會
習近平反六四演唱會(地點: 維園足球場)
劉德華山在那怕無柴燒演唱會
郭富城也風雲敗也風雲再扮步驚雲演唱會
林峯喪膽演唱會
講呢dear jane 演唱會
魯芬分鐘需要你演唱會
抽一口梁詠琪空氣演唱會
本是黃德斌 商天鵝太急 演唱會
鄭融周融張融孔融樂也融融演唱會
張智霖急抱佛腳演唱會
鄭融咗你都未知演唱會
芝華士贊助吳國敬酒唔飲飲罰酒演唱會
林憶蓮又過年歡樂蓮年演唱會
李家仁有事可唔可以匯住兩萬蚊比我演唱會
天堂鳥南飛鳥南返演唱會
左右衞蘭演唱會
趙曾熹呀熹呀熹演唱會
葉德嫻死唔得閒病演唱會
肚唔肚餓呀 蘇打綠個麵俾你食住嚟睇演唱會
蘇永康樂棋藝大比拼演唱會
我只想張衛健健康康身體健康演唱會
大家仲有冇啲更好笑嘅演唱會名呢？
timetable就網民嘅留言製圖，十分搞笑。
香港人其實係好有創意o架!
「劉德華山在那怕無柴燒演唱會」！？
「蘇永康樂棋藝大比拼演唱會」到時玩棋定唱歌好呢?
|
鍾意就快D Share啦！
|
|
|