遭自由行打尖氣難平 翁靜晶：人黐人最惡頂
中港矛盾激發不少社會問題，繼鄧達智撰寫《頂唔順，全體港人齊罷工》文章引起迴響後，向來不平則鳴的翁靜晶也加入戰團。日前翁靜晶與家人和梁耀忠議員等同遊香港迪士尼，眼見自由行破壞力驚人，禁不住在facebook貼上園內滿地垃圾的相片，及一條名為「強國人的打櫼（尖）藝術The Art of Powerful Nation Quene Jumping」的片，翁靜晶擔心華人的國際形象掃地，還反問：「沒有自由行香港人的經濟真是會崩潰嗎？這種忍氣吞聲的日子，還要過多久？」
■翁靜晶指樂園滿地垃圾的情況，隨處可見。互聯網圖片
「唔該畀啲空間」
昨日電話中的翁靜晶仍然忿忿不平，她說：「我已經係平日去，但每個排隊玩遊戲嘅地方都遇到有人打尖，佢哋會用各式各樣理由『我個親戚喺前面』、『啱啱去完洗手間』，你好好哋同佢講，佢會厚住臉皮用佢嘅理由打尖，如果你繼續話佢，佢就會惡過你，完全冇停過，give me a break，真係好痛苦！」排隊期間更遇上人黐人的惡頂事件，她說：「某啲人嘅排隊方式係要緊貼你，如後面係女人，軟綿綿感覺仲好㖭，但後面係男人貼住真係非常之抗拒。」
早前去海洋公園玩，翁靜晶曾以真誠態度去消減戾氣，她說：「嗰次有個講普通話女人抱住小朋友買雪糕，嫌我個女揀得慢就鬧個店員，到佢哋買時因店員唔收一千蚊紙，小朋友個樣好慘，最後我話請，原本財大氣粗，個個變得笑容可掬、和藹可親，搶住惡到不得了嘅態度冇晒，所以唔好郁啲就話我哋針對，其實我哋唔係有惡意，只係想大家改善吓，但冇渠道。」
【打尖實錄】
■翁靜晶上載片段，打尖男（箭嘴示）好容易就趕過橫間男士頭
【越攝越前】
包容冇用要教
翁靜晶續說：「應該要有人話佢哋知咁樣係乞人憎，所以唔係教唔到，但要有方法教，政府官員就咁行出嚟一句叫『包容』，好似唔係太好，我覺得香港人係憤怒！」
翁靜晶曾向梁耀忠議員反映是否應削減自由行，但當時梁議員反應是：「啲商家零售業跌得好低，酒樓冇生意，唔好咁講，會俾人鬧。」翁靜晶無奈說：「梁議員仲講咗個好物理性理論，話大環境會將一個小環境吸收同溶化，最終我哋會唔存在，呢個係自然定律，聽完都幾灰。」
此外，翁靜晶昨日在fb貼下迪士尼樂園內的長凳、指示牌、廁所都堆滿垃圾，迪士尼樂園昨日回應本報記者查詢時，表示有留意有關的臉書貼文， 並謂樂園重視衞生安全和賓客體驗，設有逾400人的專責團隊定時巡查，保持樂園的清潔和衞生，又指如賓客發現園內有垃圾，歡迎通知就近的人員，以便即時派員處理。
採訪：嵐山
■翁靜晶與女兒（左）遊香港迪士尼，卻遇上自由行打尖情況嚴重，令她不得不出聲。
|
鍾意就快D Share啦！
|
|
|