娛圈多白眼 梁健平謝阿姐鼓勵
娛樂圈一向現實，尤其是當綠葉一群，很難避免不受其他演員白眼。性格樂觀的梁健平笑說：「我聽唔到睇唔到，因為我久唔久失聰失明。」不過，倒是一位影后級前輩的經歷，令梁健平忿忿不平，他說：「一個影后級前輩親口同我講，佢年紀大記唔到嘢，俾人白眼，要同現場男主角講對唔住，我聽到真係好心酸！你講唔到對白阻住個戲，或者動作慢，佢就睇唔起你，不屑你行為，每個人都會老，到你老，有人咁對你，你唔會難堪㗎咩？人哋喺呢行咁多年，咁對人哋於心何忍？我見到呢啲會好憤怒。呢個唔係制度問題，係個人品格問題，我好討厭。」
多年來，梁健平感激恩師關海山教導，更感激阿姐汪明荃的一番鼓勵，他說：「拍《野蠻奶奶大戰戈師奶》，我同阿姐爭做大中華區CEO，初頭佢質疑我得唔得，拍完之後阿姐同我講『唔，你啲戲都幾好！努力啲啦健平。』呢番鼓勵真係銘記於心，搞到我成晚瞓唔到。」
■阿姐的一番鼓勵說話，令梁健平銘記於心。
資料圖片
|
鍾意就快D Share啦！
|
|
|