[忽然1周 998] 忽然 1000期 經典重溫 MW,

Paul同朱茵嘅 5日行程裏面，除咗有兩日喺泳池嬉水之外，其餘大部分時間都留喺房度享受二人世界，怪唔之得朱茵好似俾人吸乾咗咁

媽咪姐

忽然 1000期　經典重溫

經典重溫之肉帛相見

睇完上期回顧男星獨自去偷歡後，今期《忽周》醒大家睇番昔日紅星「事業線」，先嚟女神朱茵同阿 Paul喺酒店玩到謝晒！再嚟影后曼玉同男友玩到飛 bra走釘……女星肉光四射，男星亦唔輸蝕，城城同王喜剝衫晒巨鵰，雄風處處，養眼吸睛，包你睇到㷫烚烚！

其他影片：>>經典封面之男星尋歡 1　小生召妓　張智霖金魚缸㨂女　吳啟華帶北姑返酒店
>>經典封面之男星尋歡 2　志偉半裸抬出骨場　阿叻夜總會拖女返酒店
>>1000期經典重溫之肉帛相見

431期（ 03年 10月）　朱茵玩到謝

朱茵係公認嘅女神，細細粒、樣甜甜仲有魔鬼身材，觀音兵由西貢排到沙頭角，但佢最後情歸 rock友黃貫中阿 Paul，仲生埋阿女「叉燒包」。當年佢哋打得火熱，雖然朱茵曾揚言話同男友都係虔誠基督徒，所以會守色戒。但我哋當時直擊佢哋去泰國慶生，整日足不出戶匿埋酒店玩，女神更玩到樣殘、波 dup，女神形象幻滅。

朱茵當日同阿 Paul喺泳池鴛鴦戲水，阿 Paul仲捉實女友手一步一步教她游，夠晒甜蜜！

467期（ 04年 7月）　張曼玉飛 bra露點

一直我行我素，享受拍拖多過食飯的影后張曼玉， 04年與當時拍拖僅一年的玉寶表行政總裁法籍男友（ Guillaume Braochard）到葡萄牙里斯本度假，兩人喺酒店泳池鴛鴦戲水玩到癲。 Maggie三點式上陣不特止，更大解放除 bra搽太陽油，上演一幕「露點推油」，令人嘆為觀止！

Maggie件泳衣的確好有彈性，一手就可以拉起，想搽油？既方便又快捷！

一向唔鍾意束縛嘅 Maggie仲唔介意當眾表現一幕「隔空飛 bra」。

506期（ 05年 4月）　李珊珊淫蛇禁相曝光

近年幾乎銷聲匿跡嘅李珊珊，想當年仲同緊錢嘉樂拍拖嘅時候，曾經為「減肥堂」影過一輯「與蛇肉搏」相，震撼全城。着住蛇紋三點式泳衣嘅李珊珊，將 36D身材表露無遺，當中更大膽撫摸蛇頭，又不惜將大蛇放喺兩腿穿插，意識十分大膽！結果多個鏡頭遭無綫禁播，指蛇頭似男士性器官，令李珊珊深深不忿。

一條身粗 3吋嘅「過山烏」喺李珊珊兩腿中穿插，意識大膽。

477期（ 04年 9月）　田蕊妮終極骨感

捱足廿年，終於捱到發圍攞視后嘅田蕊妮，原來早喺 10年前已經搏到盡。為咗證明自己唔使叨當時男友杜汶澤光，不惜赤裸上半身影廣告硬照，仲唔介意着住吊帶內衣周圍走。怪唔之得近排老公杜汶澤全裸上陣同女優「肉搏牀戰」，阿田一啲醋意都冇

當時着住薄如蟬翼內衣嘅阿田疑似飛釘，但佢就似乎一啲都唔介意，仲當住工作人員面前周圍走。

358期（ 02年 6月）　郭富城天台露股罅

唔好以為淨係女星先可以玩性感，男星一樣可以令人吹晒口哨！城城當年就以 2,698萬買入跑馬地嘉園頂樓全層連天台， fit到漏油嘅佢當日着住條迷你小泳褲喺天台焗桑拿，小泳褲下仲產生激凸效果，再加上無意間露咗股罅，真係令一班師奶女 fans睇到血脈沸騰！

當日遭本刊踢爆天台僭建的城城，火速還原天台，自此城城晒鵰便成絕響，認真唔好意思。

231期（ 00年 1月）　王喜沙漠激凸

千禧年，王喜喺新疆沙漠影咗輯全裸寫真，着住白色小內褲嘅佢，重要部位若隱若現，另外更有全裸兼露股，仲得咗「千禧第一股神」嘅稱號。寫真 hit爆同志界，被同志視為「基」之刊物。

王喜隨行只有攝影師同助手兩個男人，所以即使坦蕩蕩都冇尷尬。

鍾意就快D Share啦！

下一篇 》