【短片】【私底下唔熟】嘉玲講星爺：星仔冇寸我，仲好尊重我
2014-09-14 00:30:00
劉嘉玲今日喺新蒲崗幫蘋果動新聞嘅「動主播決戰2014」做嘉賓，同大家分享經驗嘅時候，佢仲話自己都有興趣做吓採訪，唔通係俾人問得多，自己都有好多嘢想知？問佢會否都想訪問下近期新聞人物周星馳？嘉玲姐點答呢？係學嘢嘅時候喇！
嘉玲話：「依家報紙日日都寫，我都有睇過。」咁同星爺又算唔算朋友先？佢話：「我同星仔合作過《大內密探零零發》，我幾欣賞呢個人嘅才華，做嘢上合作幾開心嘅，不過私底下就唔熟。」嘉玲又話星爺喺現場好認真同嚴肅，同佢想像中嘅周星馳好唔同喎。
嘉玲仲話：「佢冇寸我，仲好尊重我，成日90度鞠躬。佢喺《430穿梭機》已經係咁，仲叫我嘉玲姐，好有禮貌，不過唔知係咪開玩笑。」
好多人都講星爺種種不是，但嘉玲就另有看法:「我覺得星仔可能係一個好怪嘅人，因為佢平時打扮好怪。不過有talent嘅人都係怪嘅。」問佢如果同星爺再合作會唔會答應，佢就話：「到時睇吓劇本合唔合適，不過我都鍾意同有才華嘅人合作嘅。」
嘉玲仲幾欣賞星爺嘅才華。(攝影：陳慧安)
嘉玲又話星爺喺現場好認真同嚴肅。
嘉玲又話有talent嘅人都係怪。
|
鍾意就快D Share啦！
|
|
|
