掃呢頁CODE去手機

2014年9月14日 星期日

無綫傳裁員百人 綜藝組成重災區




【世界盃玩大咗】無綫傳裁員百人 綜藝組成重災區

2014-09-14 00:39:00



無綫擲成億購世界盃轉播權,諗住可以吸新客同時又可以谷收費台,可惜呢個算盤打唔響。

話咁快就到九月,即係年尾,大家都希望開心平安過渡,最理想當然係年尾有花紅。但現在對無綫一眾員工而言,可能就有點兒擔心。

今日有周刊報道指,大台無綫再傳出「瘦身」行動,更傳受影響人數達一百人,重災區將會是幕後人員,當中包括網絡電視、收費電視員工,而且綜藝科亦將成為「重點」。

報道引述消息人士指,今次大台再傳出要瘦身,係因為剛過去嘅世界盃帶來「後遺症」。報道指,大台早前公佈業績,上半年營業額上升4%至27億元,世界盃令廣告收入升5%,但由於額外的世界盃轉播成本,刺激期內銷售成本大升12%至11.5億元,經營利潤率跌4個百分點至28%。

世界盃屬高投資項目,內部原意係借此吸廣告,特別係新廣告客戶,及為電視台帶來可觀收入,但呢個如意算盤似乎未打得響;逾億購返來嘅世界盃獨家播映權,令成本大增。其中收費電視更成負累。期內收費電視業績虧損金額,較去年同期大增至約4,200萬元,無綫亦未有披露上客情況。

整體而言,上半年除香港及台灣外,TVB幾乎全部的海外市場收入都出現跌幅,海外收費電視業務更錄得分部虧損2,380萬元;而截至6月止,TVB中期盈利跌9%至7億元,中期息0.6元,為近三年來最差嘅中期業績。

無綫方面解釋,世界盃轉播及節目製作推高銷售成本,反映員工成本嘅總務同行政開支,較去年同期增加11.3%至3.74 億元。但廣告收入只錄得5%增長,難以抵消成本上漲嘅壓力。

今日周刊報道並指,大台內部傳出裁員消息近月,更有傳各部門都需要交出一份裁員名單,致人心惶惶。



鍾意就快D Share啦!