Yumi博做1億未婚媽媽
今晚六合彩金多寶，頭獎一注獨中派彩1億港元，令全城瘋狂，第一次入投注站的索模尹蓁晞希望以10港元博1億，她指若中頭獎會做「未婚媽媽」，何佩瑜及吳若希更豪言若中頭獎，會捐5,000萬港元彩金做善事。
Yumi投注10港元博中一億，祝你好運。
首次到馬會投注的Jeana猛嗌勁多人。
吳若希表示若中1億港元頭獎，會捐5,000萬行善。
自言冇橫財運的娜姐亦刀仔鋸大樹。
周秀娜
中六合彩是不少香港人的美夢，由於上期8,000萬的中秋金多寶無人中獎，故今晚攪珠的金多寶吸引一眾索女以小博大，希望一注獨中成為億萬富婆。早前飛甩男友陳偉成（Avis）的性感女模尹蓁晞（Yumi）「處女下海」走入投注站，希望以10港元博1億：「今次第一次入馬會買，就連點畫飛都唔識，因為我冇乜抽獎運同橫財運，以前同爸爸、媽媽夾份買都冇中過，所以今次都係買10蚊玩吓。」情場失意的她坦言甩拖後工作量大增：「呢期有美容產品代言，同埋一星期都有接五個騷。」雖然她未買過六合彩，但事前做足準備：「聽人講上環嗰間旺啲，好多藝人都會去買，同埋個投注站喺斜路上面，有『錢向上流』嘅意思。」問到中獎後有何計劃，Yumi說：「我會去助養兒童，因為啲小朋友好慘，冇得揀喺咩國家出世，自己好鍾意小朋友，想一嘗做『未婚媽媽』嘅滋味。之後就想去環遊世界，同太空人楊利偉一齊上太空，因為上太空要好多錢先做到。」愛好杯中物的她亦希望開設酒吧做老闆，以及買樓做業主：「我想買樓畀自己同屋企人，就算自己唔住都可以收租。」
第一次入投注站
平日沒有買六合彩的索模何佩瑜（Jeana）同樣「處女下海」，她興奮地說：「入投注站都係第一次，嘩！多人多到插針都插唔入，為咗1億冇辦法，惟有同人逼！（中1億點使？）我會捐一半畀慈善機構，施比受更有福，橫財唔可以獨吞，其餘會分2,000萬畀屋企人，1,000萬就自己儲，2,000萬就買間豪宅住吓做皇帝！不過我由細到大都冇乜橫財命，希望今次有一次就夠！」
至於「長腿女神」吳若希則笑言難抵今次的億元誘惑：「我都會買，不過因為要拍劇，我會用電腦買。」問到中獎後如何分配，善心爆棚的她豪言會捐出一半做善事：「我會捐5,000萬去慈善機構，2,000萬買樓，1,000萬畀屋企，500萬做生意，5,00萬投資自己，例如開唱片公司，100萬留番自己使，900萬做高息投資。」
周秀娜刀仔鋸大樹
而性感女神周秀娜亦自言冇橫財運，但今次金多寶實在太吸引，她與同事夾份買，實行刀仔鋸大樹，望上天給她中一次：「我平時真係冇乜Luck，抽獎人人有份偏偏我就冇，次次夾買六合彩都搭沉船。唔緊要，今次我一票獨得，乜仇都報晒，1億我要晒！」
Yumi投注10港元博中一億，祝你好運。
首次到馬會投注的Jeana猛嗌勁多人。
吳若希表示若中1億港元頭獎，會捐5,000萬行善。
自言冇橫財運的娜姐亦刀仔鋸大樹。
周秀娜
|
鍾意就快D Share啦！
|
|
|