掃呢頁CODE去手機

2014年10月15日 星期三

Mandy Lieu聞洗米華 笑笑口:邊個呀,仲講呢啲 洗米華,Mandy Lieu,Mandy,劉碧麗,




Mandy Lieu聞洗米華 笑笑口:邊個呀,仲講呢啲

2014-10-14 23:07:00



(攝影:陳志嵐)

Mandy Lieu今晚出席一個英國時裝騷,谷小小胸上陣,佢話過2日去上海拍戲, 接咗部新片《破風》,同彭于晏有感情線,唔知使唔使踩單車。

講到彭于晏係男神,會唔會要求加親熱戲?Mandy話:「其實之前拍《太極》已親熱過,所以唔使啦。」咁拍床戲? Mandy笑言:「破風黎o架,唔係嗰啲戲。」係咪已經收拾心情工作?佢話:「係呀,前2日喺澳洲拍完旅遊特輯。」感情事呢?Mandy話:「隨緣啦,希望比多啲作品大家睇。」

記者問佢:「有冇同『嗰位男士』聯絡呢?Mandy笑言:「我有同好多人聯絡。」再直接問有冇同洗米華聯絡,佢笑笑口話:「邊個呀,仲講呢啲,唔講呢啲啦。」

之前影到一齊外遊喎?Mandy笑言:「嗰啲係好舊嘅新聞,過咗去,講啲新o架啦。」係咪有人追?佢就講笑:「落實咗我打比你啦。」好多?有冇一打?佢話:「咁又冇,總之就開心啦,都想自己嘢順順利利。」









鍾意就快D Share啦!