[忽然1周 - 1006] 紀曉波繼續冇影 吳佩慈得啖笑 吳佩慈,BKD_S,MW,

呢日又撞到吳佩慈同白歆惠（左）喺 ifc行街。兩個百無聊賴，悶鬥悶！

媽咪姐

紀曉波繼續冇影　吳佩慈得啖笑

吳佩慈自從生完囡囡小蕊蕊之後，成日喺香港蒲頭，不過每次唔係同班姊妹行街，就係攬住個女做「 model」，男友紀曉波永遠冇影。

其他影片：>>老竇冇影　吳佩慈湊女搵學校一腳踢

問到吳佩慈，爸爸紀曉波點解百日宴冇影？佢笑容牽強回答話因為紀曉波唔係藝人喎。咁都得？

媽咪姐問佢紀曉波喺邊啦？佢就淨係得啖笑，例牌死撐。其實咁都明嘅，百日宴咁大件事，連合照都冇張，又真係幾難答得出嘅？

日前，媽咪姐收到風吳佩慈諗住幫囡囡喺香港搵學校做港孩。但當我哋問到吳佩慈嗰陣，佢就話﹕「未諗住呀……（未有打算？）諗緊……」至於係未諗定諗緊真係要吳佩慈自己先知喇！

紀曉波除咗喺囡囡出世影過輯沙龍，其餘日子即如百日宴都完全冇影。

鍾意就快D Share啦！

下一篇 》