全城熱爆的娛樂八封新聞 & 時事趣聞 & 生活 + 趣聞
呢場戲只係要李思捷同魏焌皓（右）喺法院行落嚟，睇唔出有乜難度，李生係咪緊張咗啲呢？
李思捷自從拍完福祿壽同整蠱節目之後，叫做有啲名氣啦，但佢就當正自己真係紅咗。
呢日佢同新人魏焌皓對戲嗰陣，對住人哋又打呵欠、又黑面、又扯煙咁，仲搵手指篤住人哋心口嚟鬧，搞到媽咪姐都睇唔過眼！新人係要教㗎啦，李生話晒叫做前輩，又唔使吓吓去到咁盡嘅，係咪先？
唔講都唔知，原來李思捷地位高到可以當街篤住個新人嚟鬧，失敬失敬！
李思捷同魏焌皓對稿嗰陣，越講越勞氣，教新人都可以溫柔啲啩？
對住仔就發脾氣，但對住「女神」萬綺雯就變鵪鶉，李思捷睇嚟有性別歧視喎！
