雖然有珠寶公司想贊助林依晨，但遭其拒絕，最後託喺 Boucheron任職嘅朋友以 6折員工價買咗呢對原價約港幣 6萬 8嘅鑽石白金戒指做婚戒。台灣《蘋果日報》圖片
出外埠
林依晨零負評出嫁
台灣女星林依晨要嫁人咯﹗媽咪姐喺呢度都要恭喜佢﹗呢位台灣演藝圈出名嘅「孝女」， 03年出道冇耐，不單孭上父母欠落嘅二百幾萬（台幣）債務，仲要肩負一家四口嘅生活費，真係唔容易。
上周三（ 10月 29日），亦即林依晨 32歲生日當日，佢同拍拖兩年、從事潛水業嘅未婚夫林于超喺台北國賓飯店�行訂婚禮。筵開 50席。當日賓客除咗有依晨喺電影或電視劇嘅「男友」如柯震東、陳曉東、陳栢霖等到賀外，連唔得閒到嘅《惡作劇之吻》拍檔鄭元暢都託人送上厚禮，可見呢位新娘人緣極好。
講時講，一向極少緋聞嘅林依晨同林于超雖然認識十幾年，但未至於深交。直至 2011年尾，依晨擔任表姐嘅伴娘，林生就做伴郎，兩人先由傾電話發展成為戀人。睇林依晨今次出嫁無要天價禮金，唔使豪華婚照，仲唔貪贊助，就知林生真係執到寶呀！
|
鍾意就快D Share啦！
|
|
|
