[忽然1周 - 1006] 阿 Sa忽冷忽熱 黃秋生冇癮 秋生,黃秋生,MW,

黃秋生拍咗阿 Sa兩次，唔知想講乜，但阿 Sa一啲反應都冇。

媽咪姐

阿 Sa忽冷忽熱　黃秋生冇癮

慣性戴「頭盔」嘅黃秋生，呢排為佔中單嘢，少咗好多牢騷、多咗朋友（反完面又好番嘅杜汶澤），都係好事嚟嘅。但平時襟撈到爆嘅阿 Sa蔡卓妍，周一（ 3日）晚同秋生宣傳新片嗰陣，唔知發乜神經，兩度無視秋生嗌佢，搞到不嬲好火嘅秋生好冇癮。

其他影片：>>撐佔中 friend番　阿澤秋生兄弟檔拍黑警片

直到活動完做訪問，阿 Sa主動幫秋生攞咪，秋生先至有番啲笑容，講講吓仲好勞氣咁對住阿 Sa呻俾人屈佢講「蝗蟲論」。睇阿 Sa個樣，媽咪姐終於明白點解佢之前咁大膽唔應秋生，俾人捉住聽古仔，又係悶啲嘅！

阿 Sa喺餐廳好專心食緊飯，黃秋生喺出面想同佢打招呼。嘩，黃生，你企人後面一定見到㗎？

黃秋生為咗單「蝗蟲論」好多嘢呻，連電話都拎埋出嚟俾大家睇，阿 Sa只好幫手拎咪。

冇上微博之後，黃秋生轉用 facebook發聲，佢話要通緝誹謗佢嘅人。咁影響佢搵銀，係躁啲嘅。

鍾意就快D Share啦！

下一篇 》