掃呢頁CODE去手機

2014年11月8日 星期六

[忽然1周 - 1006] 生巨瘤割子宮冇得生 艾威老婆:會領養小朋友 艾威,MW,




11月手術後

艾威老婆做完手術後,巨肚減了七吋。周一( 3日),她與老公到尖沙嘴開餐,唔使再搵手袋遮身。

娛樂喧

生巨瘤割子宮冇得生 艾威老婆:會領養小朋友

艾威老婆 Lisa患了子宮肌內瘤症,腫瘤已達六吋大。她早前諱疾忌醫,即使隨時變癌,亦堅拒做手術。經艾威再三游說, Lisa兩星期前終於入了沙田仁安醫院,切除整個子宮。

痛失子宮等同喪失生育能力,據知 Lisa手術後情緒十分低落。不過人生路始終要走下去, Lisa決定重新振作。周一( 3日),艾威陪老婆到尖沙嘴覆診,一直唔肯接受訪問的 Lisa,開腔說,為圓老公做老竇的心願:「我哋會領養小朋友。」

艾威老婆 Lisa自從上月中出院後,一直逗留在家,一方面養好身體,一方面平復情緒。知情人士說:「雖然 Lisa呢個年紀都好難生 BB,但子宮始終係女人好寶貴嘅嘢,突然間成個冇咗,又有邊個女人接受得嚟。好彩艾威錫老婆,成日喺身邊𠱁佢開心,佢心情至好番啲!」

8月手袋遮肚

今年 8月,本刊拍得艾威兩公婆到銅鑼灣行街,當時生了子宮瘤的 Lisa唔想俾人見到佢嘅肚,全程搵手袋遮住。

首度開腔

艾威老婆一直諱疾忌醫,但經歷過今次手術後,令她諗通了。她開腔說:「每一位女士應該要定期檢查身體,病真係唔可以拖。」

手術後輕 18磅

周一( 3日), Lisa到尖沙嘴診所覆診,近日忙為新戲宣傳的艾威,亦抽空陪住老婆。記者發現 Lisa當日精神不錯,步履輕快。雖然她已把整個子宮切除,但腹部依然微微隆起。兩小時後,二人離開診所到附近餐廳開餐。

Lisa自患病以來,一直拒絕開腔講病情。記者趁機上前做訪問,她笑言今次手術十分成功,「我真係要多謝醫生,手術後第二日傷口已經唔痛,仲可以落牀。」雖然下腹位置還留下疤痕,但女人可以成功減磅,天塌下來也冇所謂。「我之前腰圍 37吋,依家條腰瘦咗 7吋,體重都輕咗 18磅。以前我買衫一定要大大件,用嚟遮住 30幾吋大肚腩,依家全部唔啱身,需要全部買過晒。」

腹部微隆

艾威老婆坐着時,腹部依然微微隆起。而她與同事傾公事時,艾威亦靜靜地玩手機。

搞胸圍生意

原來艾威老婆從事內衣設計多年,她亦研發有香薰治療的胸圍,當日她也在餐廳摸胸圍測試。

定期覆診

艾威老婆現時要到尖沙嘴定期覆診,當日艾威陪她覆診,足足花了兩小時。

艾威:會同老婆傾下

艾威一直恨做老竇,不過他眼見老婆患病,無奈接受現實,只助養第三世界國家兒童。對於未能為艾威生育下一代, Lisa說:「唔……呢樣嘢(割子宮)有得有失嘅!我哋會考慮領養小朋友,男仔女仔都冇所謂,最緊要教好佢,令社會多個有用嘅人。」身旁的艾威聽到老婆有這個想法,有點愕然,打趣說:「收養個二奶然後再生呢個方法會好啲!」

記者事後再搵艾威,他對領養卻有所保留,他說:「我已經有 12個助養小朋友,覺得領養冇乜意思。不過佢咁講,我都會同佢傾下。」

艾威有份主演的《大茶飯》近日上映,他除忙於宣傳外,亦要照顧老婆。

雖然艾威唔再續約王維基,但由於他為港視拍了三部劇,所以也會出席 19日舉行的開台儀式。

腫瘤科醫生:腎功能會好轉

畢業於中文大學擁有不少英國醫學學位的孫錫鴻醫生,為艾威老婆切子宮。

艾威老婆切除子宮肌內瘤後,身體恢復很快,她亦承認腎功能好轉。腫瘤科專科醫生陸凱祖說:「如果子宮肌內瘤好大,一直壓住腎及輸尿管,切除後對腎功能當然有好嘅轉變,新陳代謝都會好啲!」由於有不少患此病的婦女,為怕日後患上乳腺癌,所以會選擇子宮連卵巢一併切除。他說:「好多患者會子宮連卵巢都割除,以免之後會發生乳腺癌之類嘅危險。不過切除埋卵巢,就唔再有雌性荷爾蒙分泌。依家醫生都唔贊成打女性荷爾蒙去補充。只要多做檢查或食鈣片,同留意有沒有骨質疏鬆便可以。」



鍾意就快D Share啦!