掃呢頁CODE去手機

2014年11月8日 星期六

前港姐keep得好 47歲吳婉芳省鏡陪仔 吳婉芳,港姐,




【短片】【凌晨爆大鑊】前港姐keep得好 47歲吳婉芳省鏡陪仔

2014-11-07 23:30:00



其他影片:>>






【凌晨爆大鑊】前港姐keep得好 47歲吳婉芳省鏡陪仔

現年47歲嘅前港姐吳婉芳,自從下嫁商人胡家驊之後退出娛樂圈生咗兩仔一女,過住少奶奶養尊處優嘅生活,難怪令到佢望落去同選港姐時嘅樣貌冇乜改變,真係唔講都唔知佢已經年近半百,所以佢同羅霖一樣被奉為美魔女。

前日呢位美魔女身穿白tee牛仔褲短靴再襯件綠色外套,身形同打扮少女味十足,最難得嘅係素顏嘅吳婉芳皮光肉滑,冇化妝依然省鏡。當日吳婉芳同個仔及一位老人家喺中環行街歎茶,個仔雖然未夠20歲,已經生得高大威猛,同媽咪拍埋一齊你話係情侶都有人信。一行人大概行到3點鐘左右,就去咗太子大廈準備等司機接返屋企,可能由於當時繁忙時間,交通比較擠塞,所以等咗好耐都唔見架車出現。不過吳婉芳一啲都冇心浮氣躁,仲鬼死咁好心情同個仔有講有笑,更不時走去window shopping,睇吓櫥窗啲名牌用品嚟打發時間,最後等咗10分鐘架車至到。

同樣喺月中就47歲嘅楊羚,自從嫁畀老公黃建崇後,就生咗一仔一女,不過佢似乎冇吳婉芳keep得咁好,前晚7點左右,楊羚一個人揸車離開元朗寓所,好急去到粉嶺運動場,原來囝囝樂天喺度接受田徑訓練。楊羚去到嘅時候,囝囝仲未走得,於是就傍住條鐵欄同教練吹水,現場見楊羚明顯豐滿唔少,側邊睇仲有雙下巴,不過baby face依然。大概10分鐘後囝囝終於完成訓練,心急嘅楊羚又再跑住去攞車,咪見佢身圓肉厚,依然非常靈活,反而囝囝慢步跟喺後面。睇嚟呢位心急媽咪應該係趕住返屋企開飯,全職媽咪真係唔易做。



(採訪、攝影:羅德光、吳耀輝、黃曉程)



47歲吳婉芳日前同兒子歎茶,保養得宜的她少女味十足。





在運動場陪兒子學田徑的楊羚,從側面看其身形明顯豐滿,更有雙下巴。





鍾意就快D Share啦!