網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年11月14日 星期五

[忽然1周 - 1007] 林峯、吳千語 愈愛愈豪玩到冇電 林峯,吳千語,千語,MW,




千語 BB同林峯落機個樣勁攰,但 BB一直拎實部「土豪金」 iPhone 6 Plus,驚死唔見。之後佢出席活動時,否認去英國買咗好多嘢喎!

媽咪姐

林峯、吳千語 愈愛愈豪玩到冇電

林峯同千語 BB拍拖兩年,上月底話晒係女友踏入 21歲嘅大日子,勁愛 BB嘅佢,安排一系列慶生活動,唔好俾佢停!繼 10萬豪食生日飯,佢哋接住去咗英國 8日,主要係參觀教堂(睇定婚禮場地)、行公園同最重要嘅換季項目—— shopping!







有男友林峯打點一切,千語 BB只係出個人,睇佢落機行得幾步路就上車,都攰到攤喺度,睇嚟佢哋嘅英國行程好激動喎!

媽咪姐聽聞佢哋喺英國真係去咗唔少遊客區,加上英國教堂數目多過 shopping mall,要走一轉都幾攰下㗎!所以千語 BB就算年紀咁細,經過呢幾日嘅豪玩豪買行程,體力完全透支。加埋訂唔到頭等機位,要「屈就」坐商務位。睇佢哋落機個樣,林峯就春風滿面,千語 BB呢,殘咗啲囉。冇法坐商務位屈住,瞓覺唔敢轉身,之前行街儲落嘅疲累又未消,再買多兩喼都補唔番呀!

機場 check數

媽咪姐真係冇花冇假㗎!林峯同千語 BB去旅行嘅日數,直接影響行李數目。基本消費係每 2日 1喼。

8日 4喼

林峯作為男友真係唔話得,使費全包,仲做埋咕喱,推住 3喼戰利品。千語 BB只拉個細喼,連 Chanel手袋都交俾男友推。

6日 3喼

上年 2月同千語 BB去完意大利米蘭返港,林峯負責推行李兼引開記者。當時去咗 6日,買咗 3喼。

4日 2喼

上年 5月 17號,林峯帶千語 BB去美國,出席細佬大學畢業禮兼見父母, 22號佢要趕返大陸拍劇。扣咗來回機程,實際得番 4日時間。咁趕,所以得兩喼,仲有行李車上價值十幾萬嘅 Hermés,都係屬於 BB嘅。



鍾意就快D Share啦!