[忽然1周 - 1007] 鄭嘉穎未死得 嘉穎,鄭嘉穎,MW,

有指鄭嘉穎患有先天性糖尿病同輕微高血壓，加埋煙癮大，令健康更差。睇嚟佢俾人話完，去咗洗下棚牙，雖然睇得出仲有煙漬，但都算白喇！指甲反映健康，鄭嘉穎啲甲色尚可。但係右手尾指嘅指甲，有咬過跡象，睇嚟有鋪咬甲癮囉。

媽咪姐

鄭嘉穎未死得

媽咪姐向來對養生都有啲研究，呢排聽聞鄭嘉穎嘅健康響晒警號，都為佢擔心。周二（ 11日）晚佢難得出席兩場活動，仲以為佢會頂唔住，到場要唞吓，點知佢精神過媽咪姐。鬼咩！佢聽到記者問同胡杏兒撻着係咪好開心？即刻反問:「有幾開心呀？」幾好火氣呀！

其他影片：>>遲到粒幾鐘　鄭嘉穎寸爆駕到！

講番佢嗰堆五癆七傷嘅病症，又眼疾、腳韌帶撕裂、頸椎移位等。佢話睇完單嘢後，以為自己過唔到今年㖭。

不過，俾人誇大又好，俾人擺上枱又好，鄭嘉穎煙駁馱嘅習慣真係會出事㗎。依家 45歲，唔注意健康，遲早出事。

煙癮勁

2012年 2月喺橫店拍古裝劇《英雄》嗰陣，飾演吳王夫差嘅鄭嘉穎， 3個月內要拍 38集，唔攰就假。佢當然狂扯煙提提神。

同年 8月，鄭嘉穎轉去上海拍《葉問》，又係煙不離手，一有時間就到戶外扯幾口。

鄭嘉穎寸爆話自己無病無痛，係有幾聲咳，打完網球有啲攰，食飽咗有啲眼瞓，應該唔算重病。加埋同胡杏兒傳緋聞沖喜，睇嚟真係冇乜事。

鍾意就快D Share啦！

下一篇 》