掃呢頁CODE去手機

2014年11月16日 星期日

老公多女埋身 出招擋桃花 周家蔚再陀仔箍洪天明 洪天明,周家蔚,




【短片】【C1頭條】老公多女埋身 出招擋桃花 周家蔚再陀仔箍洪天明

2014-11-16 00:45:00



其他影片:>>






【C1頭條】老公多女埋身 出招擋桃花 周家蔚再陀仔箍洪天明

現年31歲的周家蔚昨日公佈又有喜,現懷孕4個月的她3年抱兩,老公洪天明雖然男人四十,但婚後桃花依然未斷絕,連環被爆有索女主動埋身,家蔚出招擋老公桃花,開行火力密密造人,終於成功懷第二胎箍實老公,昨日她肚凸凸出席活動宣示主權,天明為做愛妻號,矢言學老竇洪金寶拒女埋身。

記者致電天明恭喜,他說:「好開心,雖然大家想要個女,不過仔有仔好,老竇喺第一個孫未出世,已經叫我哋生多幾個,但我怕冇時間陪小朋友,我會同老婆研究係咪再追女。」問會否減少應酬陪老婆?他承諾說:「都要,唔止應酬,雖然香港市場越嚟越細,自己寧願內地減產搵少啲,其實大仔出世後,推咗好多內地戲,陪小朋友係金錢買唔到。」桃花旺盛的天明,會否杜絕多女埋身?他坦言:「自己小心啲,fans影相好難拒絕,澳門嗰次只係做完嘢送我去碼頭,雖然老婆信啫,惟有好似老竇咁,盡量唔同人影相。」

【試勻民間追女偏方】明明偏方話係女 索爆周家蔚:生仔都開心: http://goo.gl/Rzhd8C

【洪天明桃花旺】屢傳「偷食」 周家蔚借肚箍老公: http://goo.gl/aaxtte

【四個月喇!】周家蔚陀緊第二胎 仲踩6吋高踭鞋: http://goo.gl/7bcMBe

【兩公婆恨追女】洪家生仔基因勁 周家蔚第二胎都係仔:http://goo.gl/vdfw3q

【斬絕內地桃花】家蔚講明:如果天明喺內地做嘢,我帶囝囝返去陪佢: http://goo.gl/x5eTsG



(採訪、攝影:王連連)



周家蔚昨宣佈佗B仔4個月,箍實桃花旺盛的老公洪天明,肚凸凸的她仍貪靚着6吋高踭鞋,雙手摸肚流露一面幸福。



粗身大細的家蔚,上落台都有工作人員小心傍實,以策安全。



大肚家蔚昨出席活動,獲大會送贈一大籃禮物賀她再為人母。



家蔚和天明已有1歲兒子洪大仁,一家三口都很開心迎接第二個BB出世。(資料圖片)



家蔚一直恨生女,曾經將囝囝大仁打扮成女兒。(微博圖片)







鍾意就快D Share啦!