(綜合報道)(星島日報報道)準爸爸謝天華近日為迎接快將出世的BB，預留所有時間陪伴老婆Tina待產。昨午4時許，天華陪大肚老婆到圓方戲院睇完戲後，兩公婆便順道前往逛超市。兩人手拖手入超市，揀完長葱又去揀肥牛，應該是買火鍋配料返屋企大歎暖笠笠的打邊爐。
超市內的途人不時注視天華兩公婆，期間Tina頂着巨肚踎低揀美食，動作有點危險，記者不禁替她抹一額汗，天華見狀亦立即代勞拿給老婆看，做足百分百細心廿四孝老公。文：Shari 圖：袁錦強
■天華與大肚老婆到超市選購火鍋配料。
■腹大便便的謝太踎喺度揀食材，真係好牙煙。
娛樂
