2014年11月22日星期六

航空公司好幫手踢爆祖藍亞男一早預支蜜月祖藍,王祖藍,

【短片】【肉酸酸】航空公司好幫手踢爆祖藍亞男一早預支蜜月

2014-11-22 02:16:00

其他影片：>>

【肉酸酸】航空公司好幫手踢爆祖藍亞男一早預支蜜月

「新一代結婚正確次序為: 先蜜月，後計劃婚禮，最後先係求婚，我有無錯呀？」呢個問題，要問王祖藍監製同李亞男先至知喎。

是咁的，兩人於大台台慶日冒住一定風險 (新聞連結: http://bit.ly/1x8DS40 )整咗場大大大大大大大龍鳳求婚記，又喊又笑又跪先至呃得多嗰1點收視咁大把，仲係揀正港視播《選戰》之時求。多咗1點，真係……

但好戲在後頭，之後陸續有證據顯示，其實祖藍一早已向亞男求婚，婚期已定，仲籌備緊細節添。其中有本婚嫁雜誌，原來早已訪問亞男，亞男自爆其實已經籌備緊一啲婚禮細節，佢話考慮喺香港擺酒同計劃喺教堂行禮，仲話會安排喺加拿大嘅屋企人嚟參加婚禮，不過婚禮日期就未定。

今日又有人主動「提供資料」，原來上個月祖藍同亞男已經去咗新西蘭拍《蜜月到訪》，收埋祝福對枕。拿，呢個fb po呢，係一間新西蘭航空公司po嘅，佢就話之前贊助咗大台拍呢個節目，仲去咗皇后鎮（Queenstown）「預支蜜月」，影咗好多sweet嘅相……擺到明就係乘機抽水，但亦有網民質疑，既然拍得呢啲蜜月節目，接受埋婚嫁雜誌訪問講晒準備婚禮細節，點解又要整場大龍鳳呃人話當眾求婚呢？

亦有人話，未求婚拍攝旅遊節目其實冇乜問題，一來兩人冇講過真係度蜜月，只係個節目名。仲話未求婚但都可以有結婚計劃，拍咗拖好耐嘅情侶好多時都先有結婚的計劃後求婚的。有人就回應道:「咁回你一句，邊有人求婚時會係節目度做show咁做，正正經經搵一班朋友一齊俾個驚喜佢，親朋戚友見證下唔係好好多咩？」也有人謂:「啲時序令我好亂……」

呢頭人家求婚成功，嗰頭航空公司即抽水。