阿Bob 張繼聰爭男配乘基裸命！
無綫台慶劇《老表，你好hea！》劇情啜核，下星期播出的劇情爆笑之餘亦甚重口味！張繼聰與林盛斌（阿Bob）將上演一場肥腩鬥腹肌，兩男幾乎全裸狂擺「基味濃」甫士做裸模！「裸」命二人組為《老表》搏命演出兼人氣爆燈，有望成為競爭對手角逐「男配」！
張繼聰練得一副好Body，梗係要大騷特騷
肌肉鬥肥肉
鋼條身形的張繼聰（左）與肉騰騰的阿Bob玩撞Pat，非常重口味！
互睇「全相」
埋身肉搏
人肉櫈仔
張繼聰趴喺地任阿Bob坐，氹得班師奶相當開心！
無綫台慶劇《老表，你好hea！》日前播出林盛斌（阿Bob）和陳嘉佳（細細粒）咀到爛床的終極長吻後，下星期又將有重口味場面！本報率先披露《老表》劇情，重頭戲是張繼聰與阿Bob上演「男男」戲份，搏老命全裸擺騎呢甫士氹師奶，畫面極度衝擊視網膜！
劇情將提到張繼聰與阿Bob山窮水盡，惟有下海秘撈，張繼聰做交通燈指揮員，而阿Bob則去地盤擔泥。其後二人聞說做裸模收入高，即豁出去在一班師奶面前瞓身做人體Model，任畫唔嬲！由於姿勢愈吸引叫價愈高，所以二人狂擺「裸」命騎呢甫士！雖然播出的畫面打晒格仔，但依然能夠睇到阿Bob的「震騰騰」肥腩及張繼聰谷盡「零脂肪」鋼條身形，相映成趣的重口味程度達至世界級！
唔會爭Fans
雖然二人在拍劇時穿上肉色打底褲上陣，不過一向大膽的阿Bob坦言相當尷尬，對於各方好友對他與細細粒的表現「直豎拇指」，他亦感到安慰：「未係全裸，但真係好尷尬，終於明白張繼聰之前晒完胸肌，出街畀人叫除衫嘅心情。（怕唔怕被比下去？）未驚過，總有人另類口味，覺得我正啲！聽到有朋友話應該加個『最佳螢幕情侶獎』畀我同細細粒，都幾開心。」
而在劇中經常騷肌的張繼聰因「露慣」而未有感到不自在，又謙稱與阿Bob路線不同，從未驚過爭Fans：「阿Bob好奔放，同場啲姐姐又好專業，好快就拍完場戲。（怕爭Fans？）阿Bob係偶像派，我係實力派，唔驚會爭。」
監製撐阿Bob
二人落力爆笑演出，大有機會角逐今年台慶的「最佳男配角」，對此，張繼聰坦言唔會預測未知之數：「冇諗過，大家都做得好，唔會比較。」至於《老表》監製黃偉聲則偏向睇好阿Bob，大讚他勇於犧牲：「阿Bob默默耕耘冇咩人賞識，今次佢又咀又露，面對嘅壓力多過張繼聰，話晒佢有三個女。張繼聰操咗半年肌，日日食烚菜，不過佢有廣告收益。」此外，黃偉聲透露拍攝時個個都笑到碌地，多得創意無限的演員度橋獻策，才能好戲連場！
張繼聰練得一副好Body，梗係要大騷特騷
肌肉鬥肥肉
鋼條身形的張繼聰（左）與肉騰騰的阿Bob玩撞Pat，非常重口味！
互睇「全相」
埋身肉搏
人肉櫈仔
張繼聰趴喺地任阿Bob坐，氹得班師奶相當開心！
|
鍾意就快D Share啦！
|
|
|
