捲破產疑雲 任婚宴統籌 吳剛出山拍MV
蔣志光和韋綺珊1990年合唱歌《相逢何必曾相識》紅極一時，如今再度翻熱，英皇即刻打鐵趁熱，找來張致恒（Steven）和許靖韻舊曲翻唱，重拍一個重新演繹的搞笑版MV，並邀請闊別多年的吳剛師傅出山，夥拍吳麗珠擔任MV嘉賓，兩人在MV中飾演情侶，昨日他們到紅磡一間紙紮舖拍攝最新MV。
■吳剛師傅昨謂多年沒有在幕前出現，因為功夫、搽油令他找不到滿足感。
「生意冇問題」
去年吳剛涉及一宗金錢糾紛，被捲入破產疑雲，吳剛表示現任婚宴統籌，感覺充實，被追問有關金錢糾紛，他指其投資的酒樓生意冇問題，吳剛說：「以我所知百分之百冇問題，因為我哋有好多管理精英幫手，冇呢啲問題，其實運作得好好，過去我只係識打功夫、搽油同食炭，之後學搞宴會，負責新人嘅人生大事，責任好重大，要令到新人滿意，同埋多謝我，呢個滿足感好正，以前係冇嘅，所以自己會用心去做。」
■吳剛和吳麗珠已經有20年沒有合作，再遇就是在紙紮舖拍MV。
■吳剛自言過去只會打功夫、搽油和食炭，但現在就學搞婚宴。資料圖片
吳麗珠早前探望病發的司馬燕，她說：「我有同佢老公通電話，知道佢情況穩定，我都有鼓勵佢老公，要照顧病人都好辛苦，暫時唔會打擾佢哋，等佢好啲再去探佢哋。」
Steven和許靖韻昨日以70年代打扮拍攝新MV，Steven笑說：「許靖韻未聽過呢隻歌，我對原唱好深刻，隻歌帶畀我無限嘅回憶，呢個MV係有搞笑成份，隻歌係公司前身飛圖嘅作品，好多謝吳剛同珠姐幫手，相信好快網上有復刻版。」
採訪：藍文浩
攝影：陳順禎
■張致恒（左）和許靖韻（右）翻唱《相逢何必曾相識》，並邀請吳剛和吳麗珠做嘉賓拍MV。
【三個粉絲去首爾】
追星實錄，即上韓劇讀: http://hk.apple.appledaily.com/kstar
|
鍾意就快D Share啦！
|
|
|
