網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年12月1日 星期一

雲頂搏盡養家 蘇永康婚前唱吸80萬 蘇永康,




蘇永康為了在婚前努力賺錢,工作期表排到結婚前一日才休息,而未婚妻馮翠珊則全力去籌備婚禮,蘇康感謝「男人幫」三個好兄弟一齊吸金。

next 1/1 pre

蘇康(右起)與梁漢文、任賢齊及黃家強組「男人幫」到雲頂舉行《男人幫雲頂演唱會》,大受歡迎。

next 1/1 pre

蘇康婚前最後一唱博得全場觀眾熱烈掌聲。

next 1/1 pre

蘇康將婚宴的重任交託Anita辦理,笑言自己只係畀錢。

next 1/1 pre

兄弟團許志安(左起)、張衞健、梁漢文將見證蘇康夫婦結婚結束愛情長跑的感人時刻。

next 1/1 pre

歌手蘇永康(蘇康)後天(12月2日)在港豪擺百萬婚宴,迎娶拍拖八年的未婚妻馮翠珊(Anita),為令婚禮辦得有聲有色,準新郎婚博到盡,密密出騷搵真銀!繼早前與BIG FOUR遠赴美國拉斯維加斯舉行巡唱後,蘇康昨晚在馬來西亞雲頂完成婚前最後一「唱」,80萬歌酬袋袋平安!

蘇康與梁漢文(Edmond)、任賢齊(小齊)及黃家強組成「男人幫」到雲頂舉行《男人幫雲頂演唱會》,四子表現專業,令全場歌迷High爆!司儀在個唱上稱「男人幫」中除了蘇永康,其他成員均已成家立室,蘇康聞言大呼:「我三日後就結婚!」全場歌迷報以熱烈掌聲。

讚小齊Edmond係好兄弟

在演唱會上,蘇康趁機感謝唱片公司老闆小齊:「我係為咗頭家,因為養家辛苦,但老闆好好,畀好多工作我做,因為擺酒要用好多錢。人與人之間嘅相識好奇妙,我哋係十幾年前拍《星願》識,冇諗過佢會做咗我老闆,多謝佢咁多年嚟嘅支持,同幫助我事業上發展。冇佢幫我出唱片,就唔會有《那誰》呢首咁Hit嘅歌。」

小齊即笑說:「我當咗你係搖錢樹。」蘇康直言羨慕對方的弗爆身形:「我想好似你咁瘦,結婚嗰日着衫會靚啲。」蘇康又感激好兄弟Edmond出心出力:「佢真係唔話得,做完騷,聽日又返大陸做騷,再趕返香港幫我做兄弟。」

「男人幫」門票火速售罄

據悉,蘇康為吸金,工作排到插針不入,未有時間大搞派對告別單身,他更不惜犧牲睡眠時間,完騷後即趕搭早機回港,到婚禮前一日才停工!將全盤婚禮交給未婚妻,他公開大讚Anita「好幫手」:「因為工作太忙,冇時間搞婚禮,差唔多都係佢搞晒,佢真係個勁女人。今晚係婚前最後一個演唱會,嚟緊人生會有新開始,希望做埋今晚,可以再以男人幫嘅身份再嚟。」說畢即落台與歌迷互動,更有女粉絲攬實蘇康錫錫,認真艷福無邊!雖然「男人幫」首次出騷,但反應熱烈,門票於馬國一開賣即火速售罄,故四子有意再合體出騷。

Anita「包辦」百萬婚宴

而待嫁新娘Anita接受《東網》訪問時透露,全人手訂造的Alexander McQueen婚紗日前抵港,連同另外兩套獨一無二的高級訂製禮服,總值逾百萬!新娘子笑言與蘇康同樣「忙到甩轆」:「康仔星期一先返香港搞婚禮啲嘢,都冇得休息,我婚禮後抖一日就飛返大陸公幹。」雖然臨近婚期,但她表現淡定:「可能我搞得Event多,當正Event咁搞,未去到好緊張嘅地步,只係覺得差唔多日子就到。」她希望婚禮形式似朋友聚會:「我希望嗰晚可以行去同每個朋友傾到偈,但套衫嘅體積比較大,所以又加多套衫,方便我同朋友玩。」



鍾意就快D Share啦!