坦言泰國生活水浸為唯一考驗
羅敏莊於節目中表示，泰國的生活步調與香港的緊湊節奏截然不同。她笑言在泰國點一杯咖啡即可悠閒坐上一整天，讓自己的生活乃至說話速度都漸漸變慢：「泰國嘅生活節奏慢啲，喺香港成日都好趕，食飯90分鐘要你走，喺泰國飲杯咖啡可以坐成日都唔趕你走，比較慢活……可能我年紀大咗，而家想所有嘢都慢啲，我連講嘢都慢咗。」不過她亦坦承當地生活並非十全十美，爾發生的暴雨積水浸街，算是一項現實的考驗。
移居泰國盼愛女無壓成長
談及曾任童星的女兒陳禛，羅敏莊透露現年14歲的女兒正值青春期、開始懂得害羞，現時對唱歌興趣不大，但極度熱愛舞蹈與K-pop文化。她強調，當初決定定居泰國最主要的考量是女兒的教育與成長環境，希望讓她在空間更大、學習壓力更小的氛圍下快樂成長、開闊眼界：「其實香港都好嘅，不過個壓力大咗啲，我想我個女喺無乜壓力底下，好開心咁成長，嗰度地方大啲，走動嘅地方多啲，想佢有個開心嘅童年。」
羅敏莊澄清與陳國邦婚姻未變
由於羅敏莊長期於泰國陪讀，陳國邦則因工作需要頻繁往返香港、內地及泰國三地，外界不免關注二人感情。對於陳國邦早前透露雙方有「若變心須坦白」的協議，羅敏莊澄清該協議由她主動提出，旨在相處要坦誠，並強調二人感情完全沒有問題：「呢句嘢係我同佢講，如果兩個人相處，大家感情有問題，變咗心，真係要講出嚟，唔好收收埋埋，好核突咁……不如講清楚。嗱！唔代表我哋感情有問題，冇問題！」她更大方分享夫妻兩人的相處之道，「佢做得好過我，佢呢……每一日都要錫錫嘅，佢話好似演戲咁，由內至外，再由內到返外，每日都要錫吓攬吓，每日都要記住呢個世界上我最愛就係你喇！」
羅敏莊喊話監製隨時可以回港開工
面對近年常被標籤為「移民逃離香港」，羅敏莊再度澄清定居泰國僅屬暫時性質，主要是陪伴女兒就讀國際學校，感性表示：「香港仍然係我嘅家。」她強調自己從未放棄演藝與歌唱事業，除了持續上課學唱歌進修、準備音樂劇外，更隔空向各大監製喊話，笑言「TVB又唔搵我」，表明自己隨時準備好回港接拍劇集及演出。
本文作轉載及備份之用 來源 source: http://www.hk01.com
|
鍾意就快D Share啦！
|
|
|