【韓流】全智賢孖老公羅馬玩神棍
2014-12-22 08:00:00
憑韓劇《來自星星的你》而爆紅嘅全智賢，同有米老公崔俊赫結婚兩年多以來一直恩愛，但礙於喺韓國拍拖唔方便，所以佢哋經常靜靜雞出國旅行，享受二人世界。
日前，有網民就發現全智賢同崔俊赫喺意大利度假，當時佢哋戴住太陽眼鏡現身古羅馬廣場，全智賢仲出動埋自拍神棍，影低同老公甜蜜嘅一刻。據知佢哋同一般旅客無異，參加咗當地嘅觀光團。
除咗遊覽景點，全智賢亦趁機去掃貨。據目擊嘅網民表示，全智賢同崔俊赫十分恩愛，手拖手走入專門店內，不過佢哋似乎好抗拒行蹤曝光，當發現有人舉機時，即刻表示唔好影相。最後全智賢喺間舖睇鞋，不過僅逗留一會就急急腳離開。
全智賢孖老公喺鞋舖睇鞋，逗留一陣便急急腳離開。
|
鍾意就快D Share啦！
|
|
|
