插圖： Wendy
揞名爆
「芳芳」唔怕醜 死霸試身室
早幾日，同個靚太姊妹 high tea，傾吓講吓，佢忽然諗起單激氣事喎！話說有日佢得閒無事就梗係去 shopping，行到去 Zara，揀咗好多靚衫，好 happy咁拎去試啦。由於係繁忙時間，靚太姊妹等咗好耐都未入到試身室，個人都忟忟哋。
點知，突然見到成日變臉嘅歌手「芳芳」由試身室行出嚟，話晒係明星喎，靚太姊妹梗係望多兩眼跟住就見到呢位啱啱先叫捱出頭嘅姐姐，原來唔係試完衫讓番個試身室出嚟，而係一支箭咁飆去舖面再揀過一堆衫，又行番去試身室再試。呢個「動作」仲要重複咗成兩次！
一直等唔到試身室嘅靚太姊妹梗係嬲到爆即係咁，大家都去過 Zara試衫，知道規定一次最多試 8件，都係想大家唔使等咁耐試身室啫。「芳芳」咁搞法，無賴又無品囉。咁耐都紅唔到，都係有原因嘅！
邊個係「芳芳」？
1.今年終於有獎攞，喊到豬頭咁。
2.都叫唱得嘅。
|
鍾意就快D Share啦！
|
|
|
