網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年1月23日 星期五

[忽然1周 - 1017] 開班教戲 黃秋生甄詠蓓 為學費不和 秋生,甄詠蓓,黃秋生,MW,




煞有介事握手

黃秋生笑住回應,甄詠蓓即主動與秋生握手說:「咁搞笑,喺邊度聽番嚟㗎?」意圖粉碎不和之說。

娛樂喧

開班教戲 黃秋生甄詠蓓 為學費不和

影帝黃秋生近年活躍 facebook,在網上不平則鳴,不過「鍵盤戰士」只是他的副業。演藝學院出身的秋生前年開始授徒,與舞台劇大師甄詠蓓合作開「大師班」教做戲。

繼 2013年開班後,日前「黃秋生 x甄詠蓓大師班」再次開班,今屆學員包括林德信、王梓軒、蔡思貝等,認真星光熠熠。本刊收到消息,秋生招生前曾提出想調整學費,由 2萬加至 3萬,但遭拍檔甄詠蓓堅決反對,二人曾為此鬧不和。本周一( 19日)秋生落堂時表示:「問題唔係想唔想(加學費),係可唔可以吖嘛!」說話有骨!







畢業於演藝學院的黃秋生多次與師妹甄詠蓓合作,前年二人成立神戲劇場開班教做戲, 13年 9月「第一屆黃秋生 x甄詠蓓大師班」更正式開班,課程分為兩班,每班七天課堂,學費 2萬元。

據知報名後需要面試甄選,學生要作自我介紹、自由發揮演技及剖白為何要進修演技等。讀過戲劇班而畢業的張敬軒及方皓玟,也曾參演由甄詠蓓執導及黃秋生主演的舞台劇《馬》。

2萬讀 7日

「第二屆黃秋生 x甄詠蓓大師班」分為兩班,各為期一星期,每位學員收費各 2萬元。課程方面兩班亦有不同,報讀者要通過面試方可入讀。

畢業生投訴 hea教

去年底第二屆的課程正式招生,有指黃秋生與甄詠蓓因為學費問題鬧不和。知情人士透露:「秋生見上屆反應好好,九成學生都係圈內人,學費方面學員應該負擔得到,所以想將學費由二萬加到三萬,變相提升自己的酬金。不過 Olivia(甄詠蓓)唔制,因為秋生有時度唔到期,就會由 Olivia教晒成堂。一個課程短短七日, Olivia覺得 2萬已經好盡,唔想收太貴,怕整衰公司個名。」

對於黃秋生的教學方法,有第一屆學員爆料:「秋生 sir睇多過教,成日叫我哋出嚟自由表演,佢就坐喺度睇。有時覺得佢教得幾 hea,淨係叫我哋講吓自己演技嘅不足,真正教嘢嘅時間唔係好多,學唔到實質嘢。」

上屆多女學員

前年第一屆「大師班」學生九成都是女生,身為導師的黃秋生在課程 last day更「俾女圍」影合照。

嘉欣大師姐

「第一屆大師班」中最星級的學員可算是林嘉欣,其後她又為課程拍片講感想:「 Olivia喺形體動作上教得好好,秋生對戲嘅睇法好準確。」

獲頒證書

學員完成課程後,可以獲主辦機構神戲劇場頒發證書,前 Hotcha成員 Winkie黎美言亦是第一屆畢業生。

直認想加學費

本周一( 19日),第二屆課程開課首日,現場所見今屆學員依然星光熠熠,有林德信、王梓軒、蔡思貝、胡琳、顏子菲、趙碩之及應屆港姐亞軍王卓淇等。落堂後未幾,黃秋生與甄詠蓓一同離開,此時本刊記者上前做訪問。對於想加學費,秋生直認不諱,其間甄詠蓓在記者面前忽然主動與秋生握手。

記:秋生哥,有傳你同 Olivia因為加學費而有爭執?

黃:打晒交㖭啦直頭係!

(此時一直保持笑容的甄詠蓓主動與黃握手。)

甄:喺邊度聽番嚟㗎?

記:咁你係咪想加學費?

黃:問題唔係想唔想,係可唔可以吖嘛!(望向甄)

記:上一屆有學生話你教啲嘢唔實質,教得好 hea喎!有冇聽過學生投訴?

黃:我直情唔識教我搵笨㗎咋,唔好嚟吖真係,講真!戲劇呢家嘢,我真係識條鐵咩!我唱歌㗎咋,我係樂壇新人嚟吖嘛!我作緊歌㗎喇!

一個主動伸出友善之手,一個狂講反話,演技如此精湛,果然是戲劇大師!

哈哈笑

周一( 19日)下午 5時,黃秋生與甄詠蓓落堂後一同離開。當記者問及是否因為學費問題有爭拗,甄即時手指指向秋生,二人相對哈哈大笑。

學費梗係想加(真實對白)

愈答愈亂:對於有畢業學生指黃秋生「 hea教」,他即時玩嘢講反話,話自己直情唔識教,又話自己其實係樂壇新人。

星級學員有讚冇彈

本周一( 19日)「第二屆黃秋生 X甄詠蓓大師班」正式開班,本刊記者於放學時,發現大部分學員都是歌手及藝人,如林德信、胡琳、王梓軒、趙碩之、港姐蔡思貝及王卓淇等。問王梓軒第一堂學咗啲乜:「今日秋生老師同甄詠蓓老師教點樣由一啲簡單嘅嘢去探討,點樣釋放自己作為一個演員多啲嘅領域。」而胡琳就表示:「其實今日係做一啲演技嘅基本練習同埋俾學生彼此認識吓!」

王梓軒:我今日學到好多嘢!(真實對白)

胡琳:上堂係好玩嘅!(真實對白)

星二代林德信雖然有個巨星爸爸林子祥,但都不忘裝備自己。落堂時見到記者拍攝時笑容十足,示意自己要離開。

離開亞視的顏子菲,早前簽約新經理人,現在又參加演技班,看來她真的想在演藝圈繼續發展。

久未露面的趙碩之近年收起激凸身材,參加「大師班」睇嚟想轉戰影壇。

前港姐蔡思貝及應屆港姐亞軍王卓淇都是學生之一,不過由於屬大台藝員拒絕受訪。



鍾意就快D Share啦!