插圖： Wendy
揞名爆
「乖女」探親有「大大」照顧
耐唔耐就會有世姪問媽咪姐，究竟娛樂圈啲人係咪個個都咁複雜？有冇啲真係「純純兔」嚟㗎？ Well，媽咪姐次次都係咁答：「你唔記得馬賽單 case嘞？咁世事係無絕對嘅。只係通常『密實姑娘假正經』多過『出於污泥而不染』好多咁啫！」最新例子，就係電視姐仔「乖女」嘞。
單料其實好簡單！話說有二五一直幫富豪「大大」嘅秘書訂開機票，換言之，就係幫阿「大大」訂機票所以佢一直好清楚「大大」一家幾時去歐洲度假呀，去邊度公幹咁，啲風堅過娛樂記者呀。不過令呢位二五最震驚嘅係，有次「大大」秘書落嘅柯打竟然係……幫「乖女」訂機票返加拿大探親囉！嘩嘩嘩！有婦之夫「大大」同形象清純嘅「乖女」喎！真係好似大纜都扯唔埋。
無嘢嘅，咁可能「大大」嘅「愛心」爆棚，有錢又無碇使，咪資助吓孝順嘅「乖女」囉！你仲諗到其他原因咩？媽咪姐就諗唔到喇∼
邊個係「乖女」？
1.選美出身。
2.身材高䠷㗎。
邊個係「大大」？
1.有唔少紅顏知己。
2.富豪嚟講都唔矮㗎。
|
鍾意就快D Share啦！
|
|
|