掃呢頁CODE去手機

2015年1月17日 星期六

鄭俊弘「蜜」認同女神吳若希拍拖 鄭俊弘,吳若希,




女神咁就封咗盤喇,各位宅男唔好太傷心喇。

next 1/1 pre

表現謹慎的鄭俊弘,先行帶着狗狗踩場視察環境。

next 1/1 pre

原本,佢同若希BB(白色冷帽者)係一個東、一個西嘅。

next 1/1 pre

不過當佢視察完環境,佢就即刻急CALL若希BB另約「談心」地點,而若希BB亦都好聽話咁即Call即到。

next 1/1 pre

大家睇若希BB傾個電話都咁冧,就知佢對鄭俊弘嘅好感度有幾高

next 1/1 pre

約好完若希BB之後,鄭俊弘就開始好悠然自得咁同家姐慢慢行去約好嘅地方。

next 1/1 pre

之後,佢就CHOK住咁慢慢行近若希BB身邊。

next 1/1 pre

然後就開始肆無忌憚咁談心,佢先係係咁講笑,之後就哄埋若希BB度嚟個深情一望,搞到傾住電話嘅若希BB冧爆。

next 1/1 pre

快樂嘅時間過得特別快,未幾若希BB就要同俊弘哥SAY GOODBYE,睇若希BB扁晒嘴咁,真係好想唱番句:「我勸你早點歸去,你說你不想歸去......」

next 1/1 pre

至於同樣好DOWN嘅鄭俊弘,就由家姐「掩護」下離開,而佢家姐除咗好識做咁唔做電燈膽騷擾佢同若希BB外,仲幫鄭俊弘隻狗仔抹PAT PAT,夠晒廿四孝。

next 1/1 pre

若希BB雖然話呢段咁感性嘅留言係送畀自己隻狗仔嘅,但究竟有無咁深層同甜蜜嘅意義,就得佢自己先知喇。

next 1/1 pre

鄭俊弘(右)同吳若希呢排成日因為工作關係孖住周圍去,日久生情都好正常。左為許廷鏗

next 1/1 pre

Jinny周不時喺微博上載同鄭俊弘嘅合照,依家又大讚鄭俊弘好仔,嘩!兩人關係呼之欲出

next 1/1 pre

年僅22歲、擁有43吋長腿的吳若希(Jinny),出道短短數年已緋聞不絕,先後與蕭正楠、籃球員劉子健及「巨聲幫」周志文傳撻着,不過,原來其真命天子另有其人,更是同門師弟兼近日橫掃各大頒獎禮新人獎的鄭俊弘(Fred)!

《好報》圖文並茂影到兩人月初相約拍拖放狗,身為男友的Fred,先與家姐踩場視察環境,由於現場有不少狗友,Fred即以手機遙控女友行到較少人及僻靜的地方「談心」,而醒目家姐為免做電燈膽,亦自動波走到狗友堆吹水,留下細佬與Jinny爭取拍拖時間。

「陪我一輩子」

兩人為免被認出,當日齊齊戴帽,Fred更戴墨鏡遮掩「熊貓眼」。期間情到濃時,Fred主動彎腰情深款款望住Jinny,又講笑話氹到大笑姑婆女友哈哈大笑。由於狗公園下午五時閂門,兩人死纏至最後一秒先肯離開,Fred待女友先行告退後,才與家姐會合上車離去。

微博露玄機

其實「俊希戀」撻着早在微博埋下伏線,由於兩人同是星夢歌手,近月不時孖實出騷,加上Fred早前與秦沛女兒姜麗文分手,故與Jinny朝夕相對下擦出愛火花。近日Jinny不時在微博上載兩人合照,放狗當日又留言向Fred示愛:「喜歡看你笑,喜歡看你跑,喜歡你就算外面多少誘惑,最後你都會很緊張地回來找我,讓我感覺我是屬於你唯一一個,如果可以,我希望你可以陪我一輩子,I Love You。」齋睇都覺得冧爆!

勁讚Fred好仔

記者就事件致電一對小情人,兩人全程哈哈大笑,似乎已有心理準備公開戀情。Fred說:「我同Jinny係好Friend,係一齊放狗,當日我家姐亦都喺度,唔好諗咁多。」Fred臨收線前更突然彈出:「Yeah!開心。」明顯沐浴愛河。而不乏裙下之臣的Jinny則說:「係一班朋友放吓狗。」說罷隨即轉移視線指在微博「示愛」文字是寫給愛犬Honey,問到有否機會與Fred發展?Jinny即激讚對方說:「佢好好人,係好乖嘅男仔。」



鍾意就快D Share啦!