| 方力申（資料圖片） | next 1/1 pre |
曾華倩為主持的節目《家家有喜事》錄影，透露節目將圍繞新年話題，每集分別有男神如深烈唯、方力申、黎耀祥、馬國明及林盛斌等任嘉賓，笑指已很久沒有當該類節目主持，由於外景一度接一度，感覺如拍劇般，她謂：「拍劇仲辛苦，等應該頂唔順，年紀大嘞！」華倩表示今年將在港度歲，未知16歲囝囝會否幫忙大掃除，但望他至少能學懂執拾自己的房間。
呂慧儀靠囝囝利是幫補
而同是主持的呂慧儀則修身不少，笑言暫未有上磅，希望能再瘦一點，更指正為囝囝準備幾套利是封造型逗利是，她謂：「幫補吓嘛！今次係生完之後第一個節目，都幾開心。」
結婚要天時地理人和
至於任嘉賓的方力申就透露新年將與女友鄧麗欣分開度歲，他謂：「我會返北京呀！返嚟先互相拜年，我想澄清一吓，我係未結婚，唔想畀人問攞利是，但唔畀佢就驚人篤背脊，其實我未有呢方面計劃，都一齊9年，唔係專登想拖，只係要配合天時地理人和。」
猜唔透鄧麗欣諗咩
小方亦坦言女友不心急結婚：「佢不嬲都係摸唔透嘅女仔，心藏不露，開心唔開都唔知。（你咪好辛苦？）咁先好，唔係吓吓問到篤，佢唔講咪唔問囉！但情人節我都會基本送朱古力畀佢嘅！」談到吳雨霏宣布婚訊，小方坦言早已透過女友獲悉，並衷心祝福對方。
|
鍾意就快D Share啦！
|
|
|